Ana tilimizde dybystalǵan "Avatar 2: Sý joly" shytyrman fılmin qoldaý jáne qazaq tiliniń tynysyn keńeıtý maqsatynda belsendi azamattar óz aqshasyna bılet alyp, jas balalarǵa tegin taratyp jatyr. Áleýmettik mańyzy bar bastamany kótergenderdiń aıtýynsha, qazaq tilin kınonaryqqa engizip, týǵan tilimizdi barlyq salada qoldanatyn kez jetti. Igi bastamany qoldap, óńir-óńirde jalǵastyryp áketkender kóp. Bul jaıly "Adyrna" ulttyq portaly habarlady.
Mundaı "qýanyshty qubylystyń" barysyn qoǵam belsendisi Sábıt Rysbaev habarlady.
"55 balany kınozalǵa kirgizip jiberdik. Bir tanysym taǵy 20 bıletke aqsha jiberdi. Saǵat 16.00-daǵy Eýrazııa kınoteatryna bılet alyp qoıdym. Ony bireýler brondap ta qoıdy. Bala ǵoı, shóldeıdi ǵoı dedim, qosymsha 55 sý ala saldym. Taǵy bir tanysym men 100 bılet alaıyn dedi. Ol aqsha jiberse ony da qosymsha habarlaımyn. Kúnine bolatyn aınaldyrǵan 5-6 qazaqsha kınoǵa bıletti ózimiz aq satyp alyp kópbalaly, basqa da múmkindigi bolmaı jatqandardy kirgize salaıyq.. Qazaq tilinde de adamdardyn kıno kóretinderin kórseteıik. Qazaq tilinin dárejesin az da bolsa qoldan kelgenshe kóterip qoıaıyq", - dep jazdy belsendi.
Mundaı bastamaǵa jer-jerden qoldaý tanyta ketkenderdiń qarasy qalyń.
"Búgin saǵat 16.00-ǵa 20 bılet alyp balalardy kirgizip jiberdik. Tamyr tanystar, feısbýktastar taǵy 130 bıletke aqsha aýdardy. Erteń, arǵy kúnge bılet alamyz... Eki kúnde 200 den asa adamdy tegin kirgizetin bolamyz. Biz Astanada bastadyq. Basqa qalalar da qosylyńyzdar. Qazaqsha kınoǵa usynys bolmasa, sony boldyraıyq. Al ol jáı bılet alýdan bastalady", - dep jazdy Sábıt Rysbaev.
Eskerińizge sala keteıik, álemdik kıno áleminde erekshe yqylasqa ıe bolǵan "Avatar 2: Cý joly" týyndysy tól tilimizge dybystalǵan edi. Qazaq eli azamattarynyń aıtýynsha, qazaq tilindegi seans ýaqyttary sáske túste, tamashalaýǵa yńǵaı kele bermeıdi. Dese de, bıletterdiń lezde satylyp, ótip ketip jatqanyn habarlaǵandar bar.
"Evrazııa, Arýjan jaqta oryn joq qazaqshasyna. Megada áreń aldyq. Sál yńǵaısyz oryndardy. Buryn olaı bolmaıtyn. Qalany aıaqqa tik turǵyzdyńyz", "Qazaqsha dýblıajdalǵan fılmderdi qoldaý maqsatynda ózimnen tys taǵy 3 orynǵa onlaın bılet alyp qoıdym. "Avatar- Sý joly" fılmi. Almaty q-sy Lumiera Sinema (ÝM) ıaǵnı Arbat jaqta. Úsh bılet tegin beriledi. Alýshylar jekege jazyńyzdar!", "Qazaqtyqty, ulttyqty qoldaý osy ǵoı! Negizi, keńes úkimeti ornaǵanǵa deıingi qazaq baılaryn "ulttyń qamqorshysy, uıytqysy "dep stalın eń áýeli baı qazaqtardy jala jaýyp qýǵyn súrgInge ushyratqan. Úıinen on put bıdaı tabylsa jala jaýyp kózin qurta berińder degen. Sebebi, ol zamandaǵy qazaq baılary parasatty, ıman júrekti, salıqaly bolǵan. Alla taǵalanyń senderge bereri taýsylmasyn. Násipteriń artyp tabysty bolyńdar. Týǵan Ultyńdy qýantýda ǵanıbet qoı. Bastama baıandy jalǵasyn tabýyna tilektespin" dep jazdy oqyrmandar.
"Adyrna" ulttyq portaly
