Tuniste jasöspırımder arasynda üstel tennisınen älem chempionatynda qazaqstandyq Alan Qūrmanǧaliev aralas synda mysyrlyq Hana Godamen bırge jeŋımpaz atandy. Būl turaly QazAqparat habarlady, dep jazady "Adyrna" ūlttyq portaly.
Qazaqstan üstel tennisı federasiiasynan mälım etkenındei, qazaqstandyq-mysyrlyq jūp finalda portugaliialyq Tiago Abiodana – ispaniialyq Mariia Berzosadan basym tüstı.
"Būl – tarihi jetıstık! Alan Qūrmanǧaliev älem chempiony atandy. Būl – qajyrly eŋbek pen sportşynyŋ öz ısıne berılgenınıŋ jemısı. Alan jyl boiy üzbei jattyǧyp, şeberlıgın jetıldıre otyryp, halyqaralyq jarystarda 19 medalǧa qol jetkızdı. Bügın Qazaqstan üstel tennisı tarihynda alǧaş ret älem chempiony atandy. Būl sport türınen elımız jaŋa halyqaralyq deŋgeige köterıldı. Būl bärımız üşın asa maŋyzdy. Chempiondy tärbielegen bapker Elmira Alievaǧa alǧysymdy bıldıremın. Alan men barlyq janküierlerdı qūttyqtaimyn. Bızdıŋ sportşymyzben maqtanamyz!",- dedı Qazaqstan üstel tennisı federasiiasynyŋ prezidentı Daniiar Abulǧazin.Elmira Alieva – Qazaqstan üstel tennisı qūramasynyŋ bas bapkerı ärı Alannyŋ jeke jattyqtyruşysy. Ol Alandy jetı jasynan berı jattyqtyryp keledı.
"Adyrna" ūlttyq portaly
Ūqsas jaŋalyqtar
