"بالانى ومىرگە اكەلۋ بار دا، وعان مەيىرىم كورسەتىپ، دۇرىس تاربيە بەرۋ بار" - ايدا بالاەۆا

- ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ بۇگىنگى وتىرىسى – بالالاردىڭ قاراۋسىز جانە پاناسىز قالۋىن بولدىرماۋ تاقىرىبىنا ارنالدى. بالانى ومىرگە اكەلۋ بار دا، وعان قاجەتتى قامقورلىق پەن مەيىرىم كورسەتىپ، دۇرىس تاربيە بەرۋ بار. وكىنىشكە وراي، ءتيىستى باقىلاۋسىز قالعان بالالار مەن جاسوسپىرىمدەرگە قاتىستى ماسەلە جىلدان جىلعا وزەكتى بولىپ كەلەدى. بيىلدىڭ وزىندە دۇرىس قاداعالاۋدىڭ جوقتىعىنان ءتۇرلى قۇقىق بۇزۋشىلىققا بارعان 73 مىڭنان استام بالانىڭ اتا-اناسى جاۋاپكەرشىلىككە تارتىلىپ، بەيمەزگىل تۇنگى ۋاقىتتا بالالارعا ەسىك اشقان 1,5 مىڭعا جۋىق ويىن-ساۋىق ورىندارىنا ايىپپۇل سالىنعان. ارينە،  ءبىرىنشى كەزەكتە، وتباسىندا اتا-انانىڭ جاۋاپكەرشىلىگىنىڭ مىقتى بولعانى قاجەت. دەسە دە، مەملەكەت تاراپىنان دا بۇل ماسەلە ۇنەمى نازاردا بولادى. وسى ورايدا، ءتيىستى جاۋاپتى ورگاندارعا توقسان سايىن رەيدتىك تەكسەرۋدى كۇشەيتىپ، مونيتورينگ جاساۋدى، قاجەت بولسا ءاربىر وتباسى بويىنشا جەكە جوسپار ازىرلەپ، بۇل ماسەلەمەن كۇرەستىڭ جاڭا تاسىلدەرىن ازىرلەۋ بويىنشا بىرقاتار تاپسىرما بەردىم. بۇل سۇراق ءبىزدىڭ ۇلتتىق كوميسسيانىڭ كەلەر جىلعى جۇمىس جوسپارىندا دا ۇنەمى نازاردا بولادى. ونىڭ ناتيجەسىن الداعى ۋاقىتتا كەڭىنەن ايتاتىن بولامىز، - دەدى ايدا بالاەۆا.