بۇگىن جولايىرىق جۇمىستارىن ارالاپ شىققان شاھار باسشىسى اتالمىش نىساننىڭ كولىك قوزعالىسىن رەتتەۋدەگى ماڭىزدىلىعىن اتاپ، قۇرىلىس جۇمىستارى ساپاسىن تەكسەردى.
ءۇش دەڭگەيلى جولايرىق قۇرىلىسى 2022-2023 جىلدار ارالىعىندا قالانىڭ كولىك قوزعالىسىن رەتتەۋدىڭ كەشەندى جوسپارىنا سايكەس جۇزەگە اسۋدا. جولايىرىق قۇرىلىسى اياقتالعاندا، كولىك وتكىزگىشتىك دەڭگەيى ەكى ەسەگە ارتپاق.
جوبانىڭ تەحنيكالىق سيپاتىنا وراي بايدىبەك بي داڭعىلى بويىنان 700 مەتر، ارعىنبەكوۆ كوشەسى بويىنان 921 مەتر جول ارالىعى قۇرىلىس اۋماعىنا ەنگىزىلگەن. جولايىرىقتا ەنى 80 مەترلى ءتورت-التى جولاقتى اۆتوماگيسترال سالىنىپ، جول جيەگىنە جاياۋ جۇرگىنشىلەر جانە ۆەلوجول توسەلەدى دەپ جوسپارلانۋدا.
قازىرگى ۋاقىتتا جولايىرىقتىڭ ارعىنبەكوۆ كوشەسى بويىندا تىرەۋ قابىرعالارىن ورناتۋ جانە بايدىبەك بي داڭعىلى بويىندا كوپىر وتكەلى كونسترۋكتسياسىنىڭ نەگىزدەرى تەمىر-بەتوندى تىرەك كونسترۋكتسيالارىنىڭ قۇرىلىس جۇمىستارى جۇرگىزىلۋدە.
ەستەرىڭىزدە بولسا، 6-شىلدە كۇنى، بايدىبەك بي داڭعىلى بويىندا كولىك قوزعالىسى توقتاتىلعان بولاتىن. ال. تامىز ايىنىڭ 31 كۇنى كولىك جۇكتەمەسىن ازايتۋ ماقساتىندا بايدىبەك بي داڭعىلىنىڭ بويىمەن ءبىر باعىتتاعى جول سولتۇستىككە قاراي ۋاقىتشا اشىلعان-دى. ەندىگى كەزەكتە، جۇمىستاردى ىڭعايلاستىرا وتىرىپ قاراشا ايىندا ءنومىرى 1 جانە ءنومىر 4 وڭ جاق وتكەل جولىندا كولىك قوزعالىسىن اشۋ جوسپارلانعان.
