Búgin jolaıyryq jumystaryn aralap shyqqan shahar basshysy atalmysh nysannyń kólik qozǵalysyn retteýdegi mańyzdylyǵyn atap, qurylys jumystary sapasyn tekserdi.
Úsh deńgeıli jolaıryq qurylysy 2022-2023 jyldar aralyǵynda qalanyń kólik qozǵalysyn retteýdiń keshendi josparyna sáıkes júzege asýda. Jolaıyryq qurylysy aıaqtalǵanda, kólik ótkizgishtik deńgeıi eki esege artpaq.
Jobanyń tehnıkalyq sıpatyna oraı Báıdibek bı dańǵyly boıynan 700 metr, Arǵynbekov kóshesi boıynan 921 metr jol aralyǵy qurylys aýmaǵyna engizilgen. Jolaıyryqta eni 80 metrli tórt-alty jolaqty avtomagıstral salynyp, jol jıegine jaıaý júrginshiler jáne velojol tóseledi dep josparlanýda.
Qazirgi ýaqytta jolaıyryqtyń Arǵynbekov kóshesi boıynda tireý qabyrǵalaryn ornatý jáne Báıdibek bı dańǵyly boıynda kópir ótkeli konstrýkııasynyń negizderi temir-betondy tirek konstrýkııalarynyń qurylys jumystary júrgizilýde.
Esterińizde bolsa, 6-shilde kúni, Báıdibek bı dańǵyly boıynda kólik qozǵalysy toqtatylǵan bolatyn. Al. Tamyz aıynyń 31 kúni kólik júktemesin azaıtý maqsatynda Báıdibek bı dańǵylynyń boıymen bir baǵyttaǵy jol soltústikke qaraı ýaqytsha ashylǵan-dy. Endigi kezekte, jumystardy yńǵaılastyra otyryp Qarasha aıynda nómiri 1 jáne nómir 4 oń jaq ótkel jolynda kólik qozǵalysyn ashý josparlanǵan.
