ەلىمىزدىڭ پرەزيدەنتى قاسىم-جومارت توقاەۆتىڭ «ادىلەتتى مەملەكەت. ءبىرتۇتاس ۇلت. بەرەكەلى قوعام» اتتى قازاقستان حالقىنا جولداۋىن ىسكە اسىرۋداعى قالالىق ارداگەرلەر كەڭەسىنىڭ مىندەتتەرى تۋرالى»، «اۋەزوۆ اۋداندىق ارداگەرلەر كەڭەسىنىڭ «امانات» پارتياسى قالالىق فيليالىمەن بىرلەسكەن جۇمىسى تۋرالى» ماسەلەلەر قارالدى، سونىمەن قاتار قالالىق ارداگەرلەر كەڭەسى پرەزيديۋمىنىڭ ۇندەۋى قابىلداندى.
قر پرەزيدەنتىنىڭ جولداۋىن جۇزەگە اسىرۋ شارالارى تۋرالى بايانداماسىندا:
«بيىلعى جولداۋ ازاماتتاردىڭ ءومىر ءسۇرۋ دەڭگەيىن ارتتىرۋعا باعىتتالعان. ەڭ تومەنگى بازالىق زەينەتاقى مولشەرلەمەسىن ەڭ تومەنگى كۇنكورىس دەڭگەيىنىڭ 70%-عا، ەڭ جوعارى دەڭگەيىن 120%-عا دەيىن ءوسىرۋ سياقتى شارالار، سونداي-اق مەملەكەت باسشىسىنىڭ وتباسىن قولداۋعا باعىتتالعان جاڭا «ۇلتتىق قور - بالالارعا» باعدارلاماسىن دايىنداۋ تۋرالى باستاماسى قالا ارداگەرلەر قاۋىمىنىڭ ماقۇلداۋى مەن قولداۋىنا يە بولدى»، – دەدى قالالىق ارداگەرلەر كەڭەسىنىڭ توراعاسى احان بيجانوۆ.
الماتى قالالىق ارداگەرلەر كەڭەسى پرەزيديۋمىنىڭ مۇشەلەرى 230 مىڭ ارداگەردىڭ اتىنان قازاقستاندىقتار مەن قالا تۇرعىندارىنا رەسپۋبليكا پرەزيدەنتىنىڭ قازاقستانداعى قايتا قۇرۋ پروتسەسىنىڭ ماڭىزدى كەزەڭىنە اينالاتىن باستامالارىن جانە الداعى كەزەكتەن تىس سايلاۋدى قولداۋ تۋرالى ۇندەۋ جولداۋعا ءبىراۋىزدان شەشىم قابىلدادى.
«امانات» پارتياسى اۋەزوۆ اۋداندىق فيليالىنىڭ جاۋاپتى حاتشىسى ن. ورداباەۆا، جەتىسۋ اۋداندىق ارداگەرلەر كەڭەسىنىڭ ءتورايىمى ت.شاكىروۆا سوز سويلەدى.
