الماتىدا لرت سالىنۋ ماسەلەسى قازاننىڭ باسىنا دەيىن شەشىلەدى. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە ەربولات دوساەۆ ايتتى، دەپ حابارلادى “ادىرنا” ۇلتتىق پورتالى.
«الماتىعا لرت كەرەك. تولە بي كوشەسىندە سالىنعان ترامۆاي جولدارىنىڭ ورنى بار، دامىتۋعا مۇمكىنشىلىك بار. الدىنعى جىلى قوعامدىق كەڭەس جينالىسىندا وسىنى تالقىلادىق، شەشىمىن قازاننىڭ باسىنا دەيىن تابامىز»، – دەدى ەربولات دوساەۆ.
ەسكە سالايىق، شىمكەنت قالاسىنىڭ اكىمى مۇرات ايتەنوۆ تە شىمكەنتتىڭ باس جوسپارىنا لرت جانە برت قۇرىلىسى ەنگىزىلىپ وتىرعانىن ايتقان ەدى.
”ادىرنا” ۇلتتىق پورتالى
