مەگاپوليستە 8 ساۋىرىنەن 8 مامىرىنا دەيىن وتەتىن «الماتى - ءبىزدىڭ ورتاق ءۇيىمىز» ناۋقانى اياسىندا كوممۋنالدىق قىزمەتتەر مەن مەردىگەرلىك ۇيىمدار باعدارشام وبەكتىلەرىن، ايالداما پاۆيلوندارىن، جول بەلگىلەرى مەن قالانىڭ كوشە-جول جەلىسىنىڭ باسقا دا ينفراقۇرىلىمىن تازالاۋ، جۋ مەن جوندەۋ جۇمىستارىن جۇرگىزەدى.
وسىلايشا ءبىر اي ىشىندە الماتى قالالىق موبيلدىلىك باسقارماسى مەن اۋدان اكىمدىكتەرى 480 باعدارشام، 1 765 ايالداما پاۆيلونىن رەتكە كەلتىرىپ، 300 مىڭ شارشى مەتر جولعا جوندەۋ جۇمىستارىن جۇرگىزەدى.
قالا قۇرىلىسىن باقىلاۋ جانە قۇرىلىس باسقارمالارى وبەكتىلەردى قۇرىلىس الاڭدارىنىڭ نورمالارىنا سايكەس كەلتىرۋ، اتاپ ايتقاندا اباتتاندىرۋ قاعيدالارى مەن سانيتارلىق نورمالاردى ساقتاۋ بولىگىندە جۇمىس جۇرگىزەتىن بولادى.
«الماتى – ءبىزدىڭ ورتاق ءۇيىمىز» ناۋقانى تۋرالى بارلىق اقپارات اlmaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاستىرىلعان. سونداي-اق، ۆەب-سايتقا قالا بويىنشا باننەرلەردە، پلاكاتتاردا ارنايى ورنالاستىرىلعان QR-كود ارقىلى دا كىرۋگە بولادى.
الەۋمەتتىك مەديا ناۋقانىنىڭ بەلسەندى قاتىسۋشىلارىنا ارنالعان حەشتەگتەر:
#الماتىناشوبششيدوم، #ناسمنوگوگورودودين، #الماتىبىزدىڭورتاقۇيىمىز، #بىزكوپپىزقالاجالعىز.
