الماتىدا ءۇش بالاسى بار كەلىنشەك ۇيىندە ءوز-وزىنە قول سالعان. بۇل تۋرالى نەمولچي.كز قورىنا ايەلدىڭ كورشىسى جىبەك امەنوۆا مالىمدەگەن، دەپ حابارلايدى “ادىرنا” ۇلتتىق پورتالى.
وقيعا الماتى قالاسى مامىر-4 شاعىن اۋدانىندا بولعان. كەلىنشەك بالالارىنىڭ كوزىنشە ۇيدە اسىلىپ قالعان.
تۋىستارى مەن كورشىلەرىنىڭ ايتۋىنشا، ايەل ءجيى كۇيەۋىنىڭ سوققىسىنا جىعىلعان. ونى مۇنداي قورقىنىشتى ارەكەتكە تۇرمىستىق زورلىق-زومبىلىق يتەرمەلەگەن بولۋى مۇمكىن دەيدى ولار.
كەلىنشەك – قىرعىزستاننىڭ تۋماسى. الماتىدا ەشقانداي تانىسى جوق. ەسىمى – ايپەرى، – دەدى دينا ءتاڭسارى.
بۇل تۋرالى الماتى قالالىق پوليتسيا دەپارتامەنتى تۇسىنىكتەمە بەرىپ، تەرگەۋ شارالارى ءجۇرىپ جاتقانىن ءتۇسىندىردى.
الماتى قالالىق پوليتسيا دەپارتامەنتى اتالعان دەرەك قك-ءنىڭ 105-بابى ء“وزiن-ءوزi ولتiرۋگە دەيiن جەتكiزۋ” بويىنشا سوتقا دەيىنگى تەرگەۋدىڭ بىرىڭعاي تىزىلىمىنە تىركەلدى.
ال اۋەزوۆ اۋداندىق پب-نا قاراستى پوليتسيا ءبولىمىنىڭ قىزمەتكەرلەرى 1994 جىلعى ب. دەگەن ازاماتتىڭ نە سەبەپتى وزىنە قول سالعانىن انىقتاۋعا باعىتتالعان كەشەندى تەرگەۋ شارالارىن جۇرگىزۋدە.
قىلمىستىق ءىس بويىنشا قر قپك-ءنىڭ 201 بابىنا سايكەس وزگە اقپاراتتار تەرگەۋ مۇددەسىنە وراي جاريالاۋعا جاتپايدى”، – دەدى پوليتسيا دەپارتامەنتى.
