ارسەلورميتتال تەمىرتاۋ" كومپانياسىنىڭ باسشىلىعى اۋىستى. بۇل تۋرالى كومپانيانىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
كومپانيانىڭ ءباسپاسوز قىزمەتىنىڭ ايتۋىنشا، لەنين اتىنداعى شاحتاداعى اپاتتى تەكسەرۋ جونىندەگى مەملەكەتتىك كوميسسيانىڭ 3 قاراشاداعى بايانداماسى ارسەلورميتتال تەمىرتاۋدا وسى ماڭىزدى شەشىمدەردى قابىلداۋعا نەگىز بولعان.
"ۆلاديمير يۆانوۆيچ يابلونسكي مىرزا "ارسەلورميتتال تەمىرتاۋ" اق باس ديرەكتورىنىڭ مىندەتىن اتقارۋشى بولىپ، ۆيكتور ۆيكتوروۆيچ گافيۋلوۆ مىرزا "ارسەلورميتتال تەمىرتاۋ" اق تاۋ-كەن ءىسى دەپارتامەنتى باس ديرەكتورىنىڭ مىندەتىن اتقارۋشى بولىپ ولاردىڭ قىزمەتىنە دەرەۋ كىرىسۋىمەن تاعايىندالدى", - دەپ مالىمدەدى ءباسپاسوز قىزمەتى.
بيدجۋ ناير مەن دجەلسون باتيستا ارسەلورميتتال ۆيتسە-پرەزيدەنتى جانە ارسەلورميتتال تمد باس ديرەكتورى ۆيدجاي گويالدىڭ كەڭەسشىلەرى بولىپ تاعايىندالدى.
"بۇل ولارعا اعىمداعى جاعدايعا جانە 3 قاراشادا لەنين اتىنداعى شاحتادا بولعان اپاتتىڭ سەبەپتەرىن تەرگەۋگە تولىق نازار اۋدارۋعا مۇمكىندىك بەرەدى", - دەيدى كومپانيا.
ايتا كەتەيىك، يابلونسكي ءوزىنىڭ كاسىبي قىزمەتىن 1989 جىلى قاراعاندى مەتاللۋرگيالىق كومبيناتىندا (قازىرگى ارسەلورميتتال تەمىرتاۋ) باستادى. ونىڭ مەتاللۋرگيا سالاسىندا 33 جىلدىق تاجىريبەسى بار.
