ۇندىستاندىق ميللياردەر ميتتالعا تيەسىلى «ارسەلورميتتال تەمىرتاۋ» مەملەكەتكە قايتارىلادى. بۇل تۋرالى Nege.kz حابارلادى، دەپ جازادى "ادىرنا" ۇلتتىق پورتالى.
"ۇكىمەت قابىرعاسىندا «ارسەلور ميتتال تەمىرتاۋ» اكتسيونەرلىك قوعامىنىڭ جۇمىسىن توقتاتىپ، ناتسيوناليزاتسيا پروتسەسسىن باستاۋ يدەياسى تالقىلانۋدا. ول بويىنشا ادىلەت مينيسترلىگى ءوزىنىڭ ساراپتاماسىن بەرۋى ءتيىس. سەبەبى، ميتتالدىڭ بىزبەن حالىقارالىق اربيتراجدا سوتتاساتىنى ايدان انىق", - دەلىنگەن حابارلامادا.
ودان بولەك، «ارسەلور ميتتال تەمىرتاۋ» اق باس ديرەكتورى، ءۇندى ازاماتى بيدجۋ نايردىڭ ۇستىنەن قىلمىستىق ءىس قوزعاۋ مۇمكىندىگى قاراستىرىلىپ جاتىر.
"قر قىلمىستىق كودەكسىنىڭ 254-بابى بويىنشا،كوممەرتسيالىق نەمەسە وزگە دە ۇيىمدا باسقارۋ فۋنكتسيالارىن ورىندايتىن ادامنىڭ ءوز قىزمەتiنە ادال قاراماۋى نەمەسە ۇقىپسىز قاراۋى سالدارىنان ءوز مiندەتتەرiن ورىنداماۋى نەمەسە تيىسىنشە ورىنداماۋى، ەگەر بۇل ادام ولiمiنە نەمەسە وزگە دە اۋىر زارداپتارعا اكەپ سوقسا، بەلگiلi بiر لاۋزىمداردى اتقارۋ نەمەسە بەلگiلi بiر قىزمەتپەن اينالىسۋ قۇقىعىنان ءۇش جىلعا دەيiنگi مەرزiمگە ايىرا وتىرىپ نەمەسە ونسىز، بەس جىلعا دەيiنگi مەرزiمگە باس بوستاندىعىن شەكتەۋگە نە سول مەرزiمگە باس بوستاندىعىنان ايىرۋعا جازالانادى. بيدجۋ ناير «ارسەلور ميتتال تەمىرتاۋدى» باسقارىپ وتىرعان 2020 جىلدان بەرى 14 ادام ءولدى. جىل سايىن تۇراقتى تۇردە 4-5 ادام اپاتتى جاعدايدىڭ سالدارىنان قايتىس بولادى. جانە ول تىكەلەي كومپانيا باسشىسىنىڭ كىناسى", - دەلىنگەن باسىلىم تاراتقان اقپاراتتا.
"ادىرنا" ۇلتتىق پورتالى
