ArselorMittal Temırtau" kompaniiasynyŋ basşylyǧy auysty. Būl turaly kompaniianyŋ baspasöz qyzmetı mälımdedı, dep habarlaidy “Adyrna” ūlttyq portaly.
Kompaniianyŋ baspasöz qyzmetınıŋ aituynşa, Lenin atyndaǧy şahtadaǧy apatty tekseru jönındegı memlekettık komissiianyŋ 3 qaraşadaǧy baiandamasy ArselorMittal Temırtauda osy maŋyzdy şeşımderdı qabyldauǧa negız bolǧan.
"Vladimir İvanovich Iаblonskii myrza "ArselorMittal Temırtau" AQ bas direktorynyŋ mındetın atqaruşy bolyp, Viktor Viktorovich Gafiulov myrza "ArselorMittal Temırtau" AQ tau-ken ısı departamentı bas direktorynyŋ mındetın atqaruşy bolyp olardyŋ qyzmetıne dereu kırısuımen taǧaiyndaldy", - dep mälımdedı baspasöz qyzmetı.
Bidju Nair men Djelson Batista ArselorMittal vise-prezidentı jäne ArselorMittal TMD bas direktory Vidjai Goialdyŋ keŋesşılerı bolyp taǧaiyndaldy.
"Būl olarǧa aǧymdaǧy jaǧdaiǧa jäne 3 qaraşada Lenin atyndaǧy şahtada bolǧan apattyŋ sebepterın tergeuge tolyq nazar audaruǧa mümkındık beredı", - deidı kompaniia.
Aita keteiık, Iаblonskii özınıŋ käsıbi qyzmetın 1989 jyly Qaraǧandy metallurgiialyq kombinatynda (qazırgı ArselorMittal Temırtau) bastady. Onyŋ metallurgiia salasynda 33 jyldyq täjıribesı bar.
