تەمىرتاۋدا جەكە تۇرعىن ۇيدە گاز جارىلىپ، 67 جاستاعى ەر ادام زارداپ شەكتى. ول اۋىر كۇيىكپەن اۋرۋحاناعا جەتكىزىلىپ، جانساقتاۋ بولىمىنە جاتقىزىلدى، دەپ حابارلايدى "ادىرنا" ءتىلشىسى.
وقيعا 18 قىركۇيەك كۇنى تاڭعى ساعات 06:00 شاماسىندا بولعان. كورشىلەر قاتتى جارىلىس داۋىسىن ەستىپ، قۇتقارۋ قىزمەتىنە حابار بەرگەن.
جارىلىس سالدارىنان تۇرعىن ءۇيدىڭ اس بولمەسى تولىق قيراعان. عيماراتتىڭ توبەسىندە جارىقتار پايدا بولىپ، تەرەزەلەر مەن ەسىكتەر زاقىمدانعان.
وقيعا كەزىندە ۇيدە 67 جاستاعى ەر ادام بولعان. جەدەل جاردەم قىزمەتكەرلەرى ونى تەرميالىق كۇيىكپەن تەمىرتاۋ قالاسىنىڭ كوپبەيىندى اۋرۋحاناسىنا جەتكىزگەن. قازىر زارداپ شەگۋشى جانساقتاۋ بولىمىندە ەم قابىلداپ جاتىر.
الدىن الا بولجام بويىنشا، گازدىڭ وزدىگىنەن ىسكە قوسىلۋى جارىلىسقا سەبەپ بولۋى مۇمكىن. الايدا زارداپ شەككەن ادامنىڭ تۋىستارى بۇل نۇسقامەن كەلىسپەيدى. ولار وقيعانىڭ ناقتى سەبەبىن انىقتاۋ ءۇشىن ساراپتاما جۇرگىزۋدى تالاپ ەتىپ وتىر.
اتالعان فاكتى بويىنشا قىلمىستىق ءىس قوزعالدى. قازىر جارىلىستىڭ ناقتى سەبەبى مەن وقيعانىڭ وزگە دە ءمان-جايلارى انىقتالىپ جاتىر.
