بۇگىن توقاەۆ ماڭعىستاۋ وڭىرىنە جۇمىس ساپارىمەن بارىپ، قاراعاندى وبلىسىنداعى «ارسەلورميتتال تەمىرتاۋ» كاسىپورنىندا ورىن العان اپاتقا قاتىستى پىكىرىن ءبىلدىردى، دەپ جازادى "ادىرنا" ۇلتتىق پورتالى.
«وكىنىشكە قاراي، «ارسەلورميتتال تەمىرتاۋ» كاسىپورنىندا اپاتتار جيىلەپ، قايتالانا بەرەتىن جاعدايعا جەتتى. بۇل – بيىل ادام ولىمىنە الىپ كەلگەن ەكىنشى قايعىلى وقيعا. 2006 جىلدان بەرى مەتاللۋرگيا كومبيناتىندا 20-دان استام اپات بولىپ، 100-دەن اسا ازامات قازا تاپتى. مەملەكەتتىك ورگاندار تاراپىنان بىرنەشە رەت ەسكەرتۋ جاسالعانىنا قاراماستان، جاعداي جاقسارماي وتىر. وسىعان وراي جەدەل تۇردە قاتاڭ شارالار قابىلداۋعا تۋرا كەلەدى. مەن بۇل جونىندە جۋىردا قاراعاندىدا سويلەگەن سوزىمدە ەسكەرتتىم. كاسىپورىنعا كەشەندى تەكسەرۋ جۇرگىزۋ كەرەك. سونىڭ ىشىندە ەڭبەك قاۋىپسىزدىگى مەن بارلىق ەكولوگيالىق نورما تالاپتارىنىڭ ساقتالۋىنا ءمان بەرىلۋگە ءتيىس. كومبيناتتىڭ يەسى تەحنيكالىق جاعدايدى جاقسارتۋعا جانە جاڭعىرتۋعا جەتكىلىكتى دارەجەدە ينۆەستيتسيا قۇيعانىن انىقتاۋ ماڭىزدى. بالكىم بۇل جۇمىسقا زاۋىتتىڭ جاعدايىنا شىنايى باعا بەرەتىن حالىقارالىق كومپانيانى تارتۋ كەرەك شىعار. مۇنداي قايعىلى جاعداي قايتالانباۋى ءۇشىن بارلىق قاجەت شارانى قابىلداۋ كەرەك. ەڭ باستىسى – ازاماتتارىمىزدىڭ دەنساۋلىعى مەن ءومىرى»، - دەدى توقاەۆ.
"ادىرنا" ۇلتتىق پورتالى
