قاراعاندى وبلىسىنىڭ اكىمى جەڭىس قاسىمبەك سۋعا باتقان كولىكتەن جۇكتى ايەل مەن بالالاردى قۇتقارعان ەكى قاراعاندىلىققا 5 ملن تەڭگەدەن بەردى. بۇل تۋرالى اكىم ءوزىنىڭ جەلىدەگى پاراقشاسىندا جازدى، دەپ حابارلايدى “ادىرنا” ۇلتتىق پورتالى.
«ءبىزدىڭ جەرلەستەرىمىز ورازالى اسىلحانوۆ پەن دۋمان كاكەنوۆ ەكى ايەل مەن ەكى بالانى قۇتقارىپ، ولارعا العاشقى مەديتسينالىق كومەكتى كورسەتىپ، كاسىبي دەڭگەيدە ارەكەت ەتتى. بۇقار جىراۋ اۋدانىنىڭ تۇرعىنى دۋمان كاكەنوۆ سۋعا باتىپ بارا جاتقان كولىكتى كورىپ، وسى كولىكتىڭ جولاۋشىسى بولعان ورازالىعا جولاۋشىلاردى قۇتقارۋعا باعىتتالعان العاشقى شارالاردى ىسكە اسىرۋعا قولۇشىن بەردى. جەدەل قابىلدانعان شارالاردىڭ ارقاسىندا جەرلەستەرىمىز قايعىلى جاعدايعا جول بەرمەدى. سوعان بايلانىستى دۋمان كاكەنوۆ پەن ورازالى اسىلحانوۆتى ارقايسىسىن 5 ملن تەڭگە كولەمىندەگى سىياقىمەن كوتەرمەلەۋ تۋرالى شەشىم قابىلدادىم. سونىمەن قاتار ورازالىنى جۇمىسقا ورنالاستىرۋعا جاردەم كورسەتەمىز. بۇعان قوسا، قاراعاندى وبلىسىنىڭ تجد بۇل جىگىتتەردى ماراپاتتاۋعا ۇسىناتىن بولادى»، - دەپ جازدى جەڭىس قاسىمبەك.
ەسكە سالايىق، قاراعاندى وبلىسىندا جولاۋشىلارى بار كولىك مۇز استىنا ءتۇسىپ كەتكەن. اۆتوكولىك سالونىندا ەكى ايەل مەن ەكى ءسابي بولدى.
