Qaraǵandyda sýǵa batqan kólikten adamdardy qutqarǵan eki jigitke 5 mln teńgeden berildi

2398
Adyrna.kz Telegram

Qaraǵandy oblysynyń ákimi  Jeńis Qasymbek sýǵa batqan kólikten júkti áıel men balalardy qutqarǵan eki qaraǵandylyqqa 5 mln teńgeden berdi. Bul týraly ákim óziniń jelidegi paraqshasynda jazdy, dep habarlaıdy “Adyrna” ulttyq portaly.

«Bizdiń jerlesterimiz Orazaly Asylhanov pen Dýman Kákenov eki áıel men eki balany qutqaryp, olarǵa alǵashqy medıınalyq kómekti kórsetip, kásibı deńgeıde áreket etti. Buqar jyraý aýdanynyń turǵyny Dýman Kákenov sýǵa batyp bara jatqan kólikti kórip, osy kóliktiń jolaýshysy bolǵan Orazalyǵa jolaýshylardy qutqarýǵa baǵyttalǵan alǵashqy sharalardy iske asyrýǵa qolushyn berdi. Jedel qabyldanǵan sharalardyń arqasynda jerlesterimiz qaıǵyly jaǵdaıǵa jol bermedi. Soǵan baılanysty Dýman Kákenov pen Orazaly Asylhanovty árqaısysyn 5 mln teńge kólemindegi syıaqymen kótermeleý týraly sheshim qabyldadym. Sonymen qatar Orazalyny jumysqa ornalastyrýǵa járdem kórsetemiz. Buǵan qosa, Qaraǵandy oblysynyń TJD bul jigitterdi marapattaýǵa usynatyn bolady», - dep jazdy Jeńis Qasymbek.

Eske salaıyq, Qaraǵandy oblysynda jolaýshylary bar kólik muz astyna túsip ketken. Avtokólik salonynda eki áıel men eki sábı boldy.

Pikirler