ۇلىبريتانيا رەسەيلىك ميللياردەر ءابراموۆيچتىڭ اقشاسىن ۋكرايناعا كومەككە بەرۋدى جوسپارلاپ وتىر

2220
Adyrna.kz Telegram
فوتو: سەرگەي كارپۋحين / تاسس
فوتو: سەرگەي كارپۋحين / تاسس

ۇلىبريتانيا ۇكىمەتى رەسەيلىك ميللياردەر رومان ءابراموۆيچتىڭ «چەلسي» فۋتبول كلۋبىن ساتۋدان العان 2,3 ميلليارد فۋنت ستەرلينگىن ۋكرايناداعى سوعىستا زارداپ شەككەندەرگە كومەك كورسەتۋ قورىنا اۋدارۋدى جوسپارلاپ وتىر. بۇل تۋرالى The Telegraph ۇكىمەتتىك دەرەككوزدەرگە سىلتەمە جاساپ جاريالادى، دەپ حابارلايدى “ادىرنا” ۇلتتىق پورتالى.

باسىلىمنىڭ حابارلاۋىنشا، ابراموۆيچ ەۋرووداقتىڭ سانكتسيالارىندا بولعاندىقتان بيلىك ەۋرووداقتىڭ ماقۇلداۋىن كۇتىپ وتىر. ماسەلەنىڭ تۇپكىلىكتى شەشىمى بىرنەشە اپتاعا سوزىلۋى مۇمكىن.

بۇقارالىق اقپارات قۇرالدارى اقشا جىبەرۋ جوسپارلانعان قور قۇرۋ يدەياسى ءابراموۆيچتىڭ وزىنە تيەسىلى ەكەنىن اتاپ وتەدى. ميللياردەر وتكەن جىلدىڭ ناۋرىز ايىنىڭ باسىندا ۋكرايناداعى سوعىسقا بايلانىستى سانكتسيالارعا تاپ بولعان.

چەلسيدى ساتۋ تۋرالى كەلىسىم وتكەن جىلدىڭ باسىندا جاريالانىپ، مامىر ايىنىڭ سوڭىندا اياقتالدى. كلۋب امەريكاندىق ينۆەستور تودد بولي باسقاراتىن كونسورتسيۋمعا 4,25 ميلليارد فۋنت ستەرلينگكە ساتىلدى. ساتۋدان تۇسكەن قاراجات ارنايى بانكتىك شوتقا سالىنىپ، سول جەردە بۇعاتتالعان.

پىكىرلەر