قاسىم-جومارت توقاەۆ قاراعاندى وبلىسىنىڭ اكىمى ەرماعانبەت بولەكپاەۆتىڭ جۇمىسىن سىنعا الىپ، جىلىتۋ ماۋسىمىنا دايىندىق جۇمىستارىن ءتيىستى دەڭگەيدە باقىلاماعانى ءۇشىن وعان سوگىس جاريالادى. بۇل تۋرالى قر پرەزيدەنتىنىڭ ءباسپاسوز حاتشىسى بەرىك ءۋالي جەلىدەگى پاراقشاسىندا جازدى, دەپ حابارلايدى “ادىرنا” ۇلتتىق پورتالى.
مەملەكەت باسشىسى وسى ايماقتاعى جىلىتۋ جۇيەسىن قامتاماسىز ەتۋدەگى كىدىرىستەر مەن ولقىلىقتارعا نارازى بولدى.
بۇعان دەيىن ساران قالاسىنىڭ اكىمى ەركىن باۋلىقوۆ پەن وبلىستىق ەنەرگەتيكا جانە تكش باسقارماسىنىڭ باسشىسى تلەكتەس دوساەۆ قاتاڭ سوگىس العان بولاتىن. سونداي-اق، وبلىس اكىمىنىڭ ورىنباسارى ازامات تايجانوۆقا دا تارتىپتىك جازاعا تارتىلدى.
ارتىنشا قاراعاندى وبلىسىنداعى ساران قالاسىنىڭ اكىمى ەركىن باۋلىقوۆ قىزمەتىنەن بوساتىلعان ەدى.
