Cاياساتتانۋشى، قازاق قوعامىنىڭ ەرەكشەلىكتەرىن زەرتتەپ جۇرگەن ساراپشى سامات نۇرتازا ەل كۇتپەگەن تاقىرىپتى قوزعاپ، قازاق حالقىنىڭ بولمىسىنا قاتىستى توسىن پىكىر ءبىلدىردى. اۆتوردىڭ پايىمداۋىنشا، قازاق ادامدى باق-داۋلەتىنە قاراي الالايدى، سونداي-اق قازىرگى باسقا كەلگەن بالەنىڭ كوبى - كەدەيلىكتەن. جازبا تۇيىنىندە ساياساتتانۋشى جارلى-جاقىبايلى ەمەس، جاعدايلى بولۋعا ۇمتىلۋعا شاقىردى. بۇل جايلى "ادىرنا" ۇلتتىق پورتالى حابارلادى.
- بالاڭ كەۋدەسىن سوعىپ، ەڭسەسى بيىك بولسىن دەسەڭ - اقشا جي، بايى. قالعانى بوس ءسوز. بۇل قازاق تەك بايدى سىيلايدى، باي تۋىسقانىن تورگە شىعارادى، بايعا كۇلىمسىرەيدى، ال كەدەي تۋىسىنان قاشادى، كەدەي تۋىسى زۆانداسا ترۋبكا كوتەرمەيدى، - دەدى ساياساتتانۋشى.
اۆتور، سونىمەن قاتار، قوعامداعى كەلەڭسىزدىكتەردىڭ باستاۋى كەدەيلىكتەن ەكەندىگىن اشىپ ايتتى. "اقشادان باسقا بۇل ومىردە باقىت جوق" ەكەندىگىن جەتكىزدى. مۇنى:
- كەدەي - باقىتسىز. كەدەي ءوزىن و’دۇنيەدەگى “كۇتىپ” تۇرعان راحاتپەن الدايدى. ءسىڭىردىڭ جۇبانىشى - جۇماق. ەرتەڭ ءولىپ كەتسەڭ دە، بۇگىن اقشا تاۋىپ كەت. اقشادان باسقا بۇل ومىردە باقىت جوق. كوپشىلىك ولاي ايتپايدى، سەبەبى ءبىزدىڭ قوعامدا “اقشا قولدىڭ كىرى” دەگەن جالعان تۇسىنىك بار. ون قازاقتىڭ توعىزىندا نەسيە، نەسيەنى جوقشىلىقتان الدى. ون قازاقتىڭ التاۋى ءۇيسىز، ءۇي الاتىن اقشاسى جوق. ون قازاقتىڭ تورتەۋى ءدال قازىر اۋىرىپ جاتىر. ەمدەلەيىن دەسە اقشا جوق. وسىنىڭ بارلىعىن كورىپ وتىرىپ “اقشا قولدىڭ كىرى” دەيدى …تاپ-تازا قازاعىم-اي، بايىساڭشى! - دەپ جازدى اۆتور.
اۆتوردىڭ جوسىن جازباسىنا پىكىر بىلدىرگەندەر وتە كوپ:
"تۇستىك ءومىرىڭ بولسا، كەشتىك مال جىي" دەگەن حالىق دانالىعى","سوۆەتتىك بيلىك "كىم جامان، - باي جامان" دەگەندى سانامىزعا ءسىڭدىرىپ تاستاعانى سياقتى","تۇپ-تۋرا وسى كەزەڭنىڭ شىندىعى. وسىلاي شىندىقتى ايتام دەپ كەيبىرەۋلەرگە جەك كورنىشتى بولعان ەدىم","اقشا قولدىڭ كىرى دەپ ءبارى سول اقشانى تاپپاي ساندالىپ ءجۇر ەمەس پە اقشا - كىر ەمەس، باق!","بەرمەسە دە باي جاقسى،جەمەسەڭ دە ماي جاقسى" دەپ جازدى وقىرماندار.
"ادىرنا" ۇلتتىق پورتالى
