قازاقستان مەن قىرعىزستان استانالارىنداعى بەلارۋس ەلشىلىگىنىڭ ەلەكتروندى مەكەنجايىنا بەلگىسىز بىرەۋلەر حاتتار جىبەردى، دەپ حابارلايدى "ادىرنا" ۇلتتىق پورتالى.
"اعىمداعى جىلدىڭ 1 قازانىندا 102 ارناسىنا بەلگىسىز تۇلعالار قازاقستان رەسپۋبليكاسىنداعى بەلارۋس رەسپۋبليكاسىنىڭ ەلشىلىگىنىڭ ەلەكتروندى مەكەن -جايىنا جارىلعىش زات ورناتىلدى دەگەن قورقىتۋمەن حات جىبەرگەنى تۋرالى حابارلاما كەلدى. نۇر -سۇلتان قالاسىنىڭ پوليتسيا ءبولىمى تەكسەرۋ جۇرگىزدى، اقپارات راستالمادى»، - دەپ حابارلادى ەلوردالىق دپ ءباسپاسوز قىزمەتى.
ەلشىلىك اۋماعىندا جارىلعىش زاتتار تابىلعان جوق. اتالعان فاكتى بويىنشا سوتقا دەيىنگى تەرگەۋ باستالدى، جەدەل-ىزدەستىرۋ شارالارى جۇرگىزىلۋدە.
نۇر-سۇلتان پوليتسيا ءبولىمى جارىلعىش زات تۋرالى جالعان حابارلاۋ قىلمىستىق جاۋاپكەرشىلىككە تارتىلاتىنىن ەسكەرتەدى.
بۇعان دەيىن بىشكەكتە بەلگىسىز بىرەۋ بەلارۋس ەلشىلىگىنە بومبا قويىلعانىن حابارلاعان.
"جەدەل-ىزدەستىرۋ توبى، لەنين اۋداندىق ىشكى ىستەر باسقارماسى مەن استانانىڭ ورتالىق ىشكى ىستەر باسقارماسىنىڭ باسشىلىعى شاقىرتۋ ورنىنا باردى. ادامدار عيماراتتان كوشىرىلدى، اۋماق قورشاۋعا الىندى. تەكسەرۋ كەزىندە بومبا تۋرالى اقپارات راستالمادى. بۇل فاكت ERPP -تە قىرعىزستان رەسپۋبليكاسى قىلمىستىق كودەكسىنىڭ «تەرروريزم اكتىسى» بابى بويىنشا تىركەلدى، بارلىق جينالعان ماتەريالدار تەرگەۋ كەزىندە جىبەرىلەتىن بولادى", - دەپ حابارلادى بىشكەك ءىىد 24.kg اقپارات اگەنتتىگىنە.
"ادىرنا" ۇلتتىق پورتالى
