Caiasattanuşy, qazaq qoǧamynyŋ erekşelıkterın zerttep jürgen sarapşy Samat Nūrtaza el kütpegen taqyrypty qozǧap, qazaq halqynyŋ bolmysyna qatysty tosyn pıkır bıldırdı. Avtordyŋ paiymdauynşa, qazaq adamdy baq-däuletıne qarai alalaidy, sondai-aq qazırgı basqa kelgen bälenıŋ köbı - kedeilıkten. Jazba tüiınınde saiasattanuşy jarly-jaqybaily emes, jaǧdaily boluǧa ūmtyluǧa şaqyrdy. Būl jaily "Adyrna" ūlttyq portaly habarlady.
- Balaŋ keudesın soǧyp, eŋsesı biık bolsyn deseŋ - aqşa ji, baiy. Qalǧany bos söz. Būl qazaq tek baidy syilaidy, bai tuysqanyn törge şyǧarady, baiǧa külımsıreidı, al kedei tuysynan qaşady, kedei tuysy zvandasa trubka kötermeidı, - dedı saiasattanuşy.
Avtor, sonymen qatar, qoǧamdaǧy keleŋsızdıkterdıŋ bastauy kedeilıkten ekendıgın aşyp aitty. "Aqşadan basqa būl ömırde baqyt joq" ekendıgın jetkızdı. Mūny:
- Kedei - baqytsyz. Kedei özın O’Düniedegı “kütıp” tūrǧan rahatpen aldaidy. Sıŋırdıŋ jūbanyşy - Jūmaq. Erteŋ ölıp ketseŋ de, bügın aqşa tauyp ket. Aqşadan basqa būl ömırde baqyt joq. Köpşılık olai aitpaidy, sebebı bızdıŋ qoǧamda “aqşa qoldyŋ kırı” degen jalǧan tüsınık bar. On qazaqtyŋ toǧyzynda nesie, nesienı joqşylyqtan aldy. On qazaqtyŋ altauy üisız, üi alatyn aqşasy joq. On qazaqtyŋ törteuı däl qazır auyryp jatyr. Emdeleiın dese aqşa joq. Osynyŋ barlyǧyn körıp otyryp “aqşa qoldyŋ kırı” deidı …Tap-taza qazaǧym-ai, baiysaŋşy! - dep jazdy avtor.
Avtordyŋ josyn jazbasyna pıkır bıldırgender öte köp:
"Tüstık ömırıŋ bolsa, keştık mal jyi" degen halyq danalyǧy","Sovettık bilık "kım jaman, - bai jaman" degendı sanamyzǧa sıŋdırıp tastaǧany siiaqty","Tūp-tura osy kezeŋnıŋ şyndyǧy. Osylai şyndyqty aitam dep keibıreulerge jek körnıştı bolǧan edım","Aqşa qoldyŋ kırı dep bärı sol aqşany tappai sandalyp jür emes pe Aqşa - kır emes, baq!","Bermese de bai jaqsy,Jemeseŋ de mai jaqsy" dep jazdy oqyrmandar.
"Adyrna" ūlttyq portaly
Ūqsas jaŋalyqtar
