«AMANAT» پارتياسىنىڭ توراعاسى ەرلان قوشانوۆ ەكىباستۇز قالاسىنا گۋمانيتارلىق كومەك كورسەتىلەتىنىن حابارلادى، دەپ جازادى "ادىرنا" ۇلتتىق پورتالى.
"ەكىباستۇزداعى توتەنشە جاعداي كۇللى قازاقستاندىقتاردى الاڭداتۋدا. قازىر بۇل ماسەلەمەن ءتيىستى مەملەكەتتىك ورگاندار اينالىسىپ جاتىر. قالاداعى احۋال مەملەكەت باسشىسىنىڭ ەرەكشە باقىلاۋىندا. ءماجىلىس دەپۋتاتتارى دا ەلمەن بىرگە! حالىققا شۇعىل كومەك كورسەتۋ ماقساتىمەن كەشە «AMANAT» فراكتسياسىنىڭ دەپۋتاتتارى ەكىباستۇز قالاسىنا جولعا شىقتى. كەشكە دەيىن زارداپ شەككەن تۇرعىندارعا پارتيا تاراپىنان گۋمانيتارلىق كومەك كورسەتىلەدى. اسىرەسە، جىلى كيىمدەر، كورپە-جاستىق جانە قازىرگى ۋاقىتتا ەڭ قاجەتتى جىلىتقىش قۇرالدارمەن قامتاماسىز ەتەدى", - دەپ جازدى قوشانوۆ.
"ادىرنا" ۇلتتىق پورتالى
