“جاعىمپازدىق جىرلارىمەن” تانىلعان اقىن بالتابەك نۇرعاليەۆ ءوزىن بۇگىنگىنىڭ بۇقار جىراۋى دەپ تانىستىرىپ ءجۇر. بۇل تۋرالى ول ءوزىنىڭ Facebook پاراقشاسىندا جازۋدا، دەپ حابارلايدى “ادىرنا” ۇلتتىق پورتالى.
نۇرسۇلتان نازارباەۆتى جانە ونىڭ تۋىستارىن جىرلاپ، سوڭعى كەزدەرى پرەزيدەنت قاسىم-جومارت توقاەۆقا ارناپ ولەڭ جازىپ جۇرگەن اقىن بالتابەك نۇرعاليەۆ Facebook پاراقشاسىنا “بۇگىنگىنىڭ بۇقارى بالتابەكتىڭ ۇكىمەتكە ايتقانى” اتتى جاڭا ولەڭى مەن بۇقار جىراۋدىڭ سۋرەتىن جاريالاعان.
“بۇگىنگىنىڭ بۇقارى بالتابەكتىڭ ۇكىمەتكە ايتقانى
ۋا، ۇكىمەت، ۇكىمەت!
ءۇمىت ارتتىق ۇكىلەپ.
پرەزيدەنت قازىر قولداپ تۇر،
سوندىقتان دا شۇكىر ەت.پرەزيدەنتتى تىڭداڭدار،
بوسقا قاراپ تۇرماڭدار.
جاساڭدار ەلدىڭ جاعدايىن،
ەل دەگەنىم – شىن زاڭعار.جەمقورلىق ءىس ەتپەڭدەر،
ادالدىققا بەتتەڭدەر.
پرەزيدەنت ريزا بولادى،
تاپسىرمالارىن رەتتەڭدەر”،- دەپ جازدى اقىن.
وعان پىكىر بىلدىرۋشىلەر نە ءۇشىن بۇقار جىراۋدىڭ سۋرەتىن قويعانىن سۇرادى. ال ول “مەن قازىرگى زاماننىڭ بۇقارىمىن” دەپ جاۋاپ بەرگەن.
