جاڭا قازاقستاننان مەملەكەتتىك كاپيتاليزمنەن كەتۋدى كۇتەمىن – الەكساندر ماشكەۆيچ

2473
Adyrna.kz Telegram
فوتو: informburo.kz
فوتو: informburo.kz

Eurasian Resources Group (ENRC) كومپانياسىنىڭ تەڭ يەسى، بيزنەسمەن الەكساندر ماشكەۆيچ جاڭا قازاقستاننان نە كۇتەتىنىن ايتتى، دەپ حابارلايدى “ادىرنا” ۇلتتىق پورتالى.

كاسىپكەر استانادا وتكەن پرەزيدەنتتى ۇلىقتاۋ راسىمىنە قاتىسىپ، ودان كەيىن جۋرناليستەردىڭ سۇراقتارىنا جاۋاپ بەردى.

«مەن جاڭا قازاقستاننان مەملەكەت باسشىسىنىڭ بۇگىن ايتقانىن كۇتەمىن. بۇل ەليتا اراسىنداعى جاڭا قارىم-قاتىناس، الەمگە ينتەگراتسيا، مەملەكەتتىك كاپيتاليزمنەن، مەملەكەتتىك رەتتەۋدەن كەتۋ، ادامدارعا الدەقايدا كوپ مۇمكىندىكتەر مەن ءبىلىمنىڭ جاڭا دەڭگەيلەرىن الىپ كەلەدى»، - دەدى كاسىپكەر.

سونداي-اق ول قازاقستاندا «جاسىل» تەحنولوگيالار سالاسىندا جۇزەگە اسىرىلىپ جاتقان جاڭا جوبالار تۋرالى اقپاراتپەن ءبولىستى.

«ءبىز بۇل جوبانى، بالقىتۋ زاۋىتىنىڭ ەكىنشى كەزەڭىن 400-500 مىڭ اليۋمينيگە، سونىمەن قاتار جاسىل اليۋمينيگە دەيىن ارتتىرعىمىز كەلەدى. الداعى 5 جىلدا ءبىزدىڭ ينۆەستيتسيانىڭ ەڭ از كولەمى 7 ميلليارد دوللاردى قۇرايدى»، - دەپ ءبولىستى ماشكەۆيچ.

پىكىرلەر