Eurasian Resources Group (ENRC) kompanııasynyń teń ıesi, bıznesmen Aleksandr Mashkevıch jańa Qazaqstannan ne kútetinin aıtty, dep habarlaıdy “Adyrna” ulttyq portaly.
Kásipker Astanada ótken Prezıdentti ulyqtaý rásimine qatysyp, odan keıin jýrnalısterdiń suraqtaryna jaýap berdi.
«Men jańa Qazaqstannan Memleket basshysynyń búgin aıtqanyn kútemin. Bul elıta arasyndaǵy jańa qarym-qatynas, álemge ıntegraııa, memlekettik kapıtalızmnen, memlekettik retteýden ketý, adamdarǵa áldeqaıda kóp múmkindikter men bilimniń jańa deńgeılerin alyp keledi», - dedi kásipker.
Sondaı-aq ol Qazaqstanda «jasyl» tehnologııalar salasynda júzege asyrylyp jatqan jańa jobalar týraly aqparatpen bólisti.
«Biz bul jobany, balqytý zaýytynyń ekinshi kezeńin 400-500 myń alıýmınııge, sonymen qatar jasyl alıýmınııge deıin arttyrǵymyz keledi. Aldaǵy 5 jylda bizdiń ınvestıııanyń eń az kólemi 7 mıllıard dollardy quraıdy», - dep bólisti Mashkevıch.
