بۇرىنعى كلانداردى بايلىقتىڭ "قارا قازانىنان" ايىراتىن ۋاقىت كەلدى! - جاڭبىرشين

14407
Adyrna.kz Telegram

"بۇرىنعى كلانداردى بايلىقتىڭ "قارا قازانىان" ايىراتىن ۋاقىت كەلدى". بۇل پىكىردى قر پارلامەنتى ءماجىلىسىنىڭ دەپۋتاتى ەدىل جاڭبىرشين ءوزىنىڭ فەيسبۋك پاراقشاسىندا مالىمدەدى، دەپ حابارلايدى "ادىرنا" ۇلتتىق پورتالى.

"قازاقستان رەسپۋبليكاسى پرەزيدەنتىن سالتاناتتى تۇردە ۇلىقتاۋ راسىمىنە قاتىستىم. پروتسەسس بۇرىنعىلاردان وزگەشە ءوتتى جانە سولاي وتكەنى دە دۇرىس بولدى. ءبىرىنشى پومپەزنوست ازداۋ بولدى. ەكىنشى ق. توقاەۆ جينالعان حالىقتى شۋلاتىپ زال ورتاسىنان ەمەس، قاراپايىم تۇردە قاپتالداعى ەسىكتەن كىردى. ءۇشىنشى موينىنا جىلتىراق تاققان جوق. ءتورتىنشى بايانداماسى قىسقا جانە ناقتى بولدى. بەسىنشى، ەڭ باستىسى، ۇلىقتاۋ اياقتالعاسىن "ەسكى گۆارديامەن" امانداسپاي، قۇشاقتاسپاي، سەلفي جاساماي، "ال، ەندى جۇمىس جاسايىق" - دەگەندەي يشارا ءبىلدىرىپ، زالدان قاراپايىم تۇردە شىعىپ كەتتى. قۇداي دا: "ەي، قازاق حالقى! ويىن-ساۋىقتى ازايتىپ، ىرجىڭ-تىرجىڭدى توقتاتىپ، بايلىقتى توناۋدى قويىپ، جەتىم-جەسىردى قورعايتىن، ەلىڭدى دامىتاتىن، مەملەكەتىڭدى اياعىنان تۇرعىزاتىن ۋاقىت كەلدى! بولماسا مىنا ايازداي قاھارىمدى سەندەرگە جىبەرەمىن!" - دەگەندەي استانا دا ايازدى سىقىرلاتىپ قويدى! ۋا، اعايىن! وتىرىكتى قويىپ، جەبىرلەر مەن جەمقورلاردى تىيىپ، بۇرىنعى كلانداردى بايلىقتىڭ "قارا قازانىنان" ايىرىپ، مەملەكەت باسشىسىمەن بىرلەسىپ، اقيقاتتى ايتىپ، وتان ءۇشىن جۇمىس جاسايتىن ۋاقىت كەلدى. بىزدە باسقا جول قالعان جوق!", - دەپ جازدى دەپۋتات.

"ادىرنا" ۇلتتىق پورتالى

پىكىرلەر