ەلوردادا توقاەۆتىڭ يناۋگۋراتسياسىنان كەيىن ميتينگ ۇيىمداستىرعان كاسىپكەر مارات ابيەۆ 15 تاۋلىككە قامالدى. بۇل تۋرالى استانا قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتى حابارلادى، دەپ جازادى "ادىرنا" ۇلتتىق پورتالى.
تيمۋر قۇلىباەۆتىڭ سەنىمدى سەرىكتەسى دەپ تانىلعان مارات ابيەۆ بەيبىت جينالىستاردى ۇيىمداستىرۋ جانە وتكىزۋ ءتارتىبىن بۇزعانى، پوليتسيا قىزمەتكەرلەرىنە باعىنباعانى ءۇشىن كىنالى دەپ تانىلدى.
ء"ىس ماتەريالدارىندا 2022 جىلدىڭ 26 قاراشاسىندا م. ابيەۆ استانا قالاسىنىڭ جەرگىلىكتى اتقارۋشى ورگانىنىڭ رۇقساتىنسىز قورعالجىن تاسجولى بويىندا ميتينگ ۇيىمداستىرىپ، پوليتسيا قىزمەتكەرلەرىنىڭ زاڭدى تالاپتارىنا باعىنباعانى كورسەتىلگەن.
ونىڭ سوتتا ايتقانى بويىنشا، ول اۋىل شارۋاشىلىعىن دامىتۋ جوباسىن تەز ارادا قاراۋعا ەل باسشىلىعى نازارىن اۋدارۋ ماقساتىندا بەيبىت ميتينگ ۇيىمداستىرۋدى ۇيعارعان. ول زاڭعا قايشى ارەكەت جاساماعانىن ايتىپ، بەيبىت جيىن وتەتىن كۇننەن ءبىر كۇن بۇرىن قالا اكىمىنە الداعى ءىس-شارا تۋرالى حابارلاعانىن مالىمدەدى. اكىمشىلىك قۇقىقتى بۇزۋ بويىنشا كىناسىن مويىندامادى. پروكۋرور سوتتان ابيەۆتى كىنالى دەپ تانىپ، 15 تاۋلىككە قاماۋعا الۋدى سۇرادى", - دەلىنگەن رەسمي حابارلامادا.
ەستەرىڭىزگە سالا كەتەيىك، استانادا 26 قاراشا كۇنى كەشكە ينتەرنەت ءبىر ساعات بويى ىستەمەي قالعان ەدى. ءدال وسى ۋاقىتتا وزدەرىن «بولاشاق ساۋلەتشىلەرى» دەپ اتاعان مارات ابيەۆ باستاعان ءبىر توپ بەلسەندى ەرەۋىلگە شىققان ەدى. كەيىن پوليتسيا ەلورداداعى ميتينگكە 300-گە جۋىق ادام قاتىسىپ، ءتارتىپ ساقشىلارىنا قارسىلىق كورسەتكەنىن حابارلاعان بولاتىن.
"ادىرنا" ۇلتتىق پورتالى
