بەلگىلى زاڭگەر، ادۆوكات ابزال قۇسپان الداعى ءماجىلىس سايلاۋىندا باق سىناماق، دەپ جازادى "ادىرنا" ۇلتتىق پورتالى.
ء"ماجىلىس دەپۋتاتتىعىنا باتىس قازاقستان وبلىسىنان ءبىر مانداتتى وكرۋگكە ءوزىن-ءوزى ۇسىنۋ (ساموۆىدۆيجەنيە) تارتىبىمەن كانديدات رەتىندە ءوتىنىش بەردىم. ەكى اپتانىڭ ۇستىندە جاعدايدى زەرتتەپ، ون ويلانىپ، توعىز تولعانىپ بارىپ شەشىم قابىلدادىم. وعان سەبەپ ءبىزدىڭ وبلىستىڭ ەلدى مەكەندەرى كەڭ بايتاق دالادا شاشىراڭقى ورنالاسقان. مىسالى جانىبەك، بوكەيورداسى اۋداندارى وبلىس ورتالىعىنان 550 كم جەردە ورنالاسقان ءارى سسسر كەزىنەن بەرى جول جوق. وكرۋگ بىرەۋ، ال سايلاۋ ۋچاسكەلەرىنىڭ سانى - 405. بۇل تۇرعىدا الماتى، استانا سياقتى قالالاردان سايلاۋعا تۇسكەن كوپ ىڭعايلى. ال ءبىزدىڭ جاعدايدا، وسىنشا جەردى ارالاۋ، جۇزدەگەن ۋچاستوكقا سەنىمدى وكىل تابۋ، ولارعا قاراجات تولەۋ،…شىعىن كولەمىن ەسەپتەپ كورىڭىز. ارينە الەۋمەتتىك جەلىنىڭ مۇمكىندىگىن جوققا شىعارا المايمىز، بىراق ول شەشۋشى ءرول اتقارمايتىندىعىن انىق ءتۇسىنىپ وتىرمىن. سونىمەن نە بولسادا تاۋەكەل دەپ، بەلدى بەكەم بۋدىق. ەندى الداعى اي جارىم ۋاقىت اڭگىمەمىز سايلاۋ تۋراسىندا بولماق، وعان تۇسىنىستىكپەن قارايسىزدار دەپ ويلايمىن", - دەپ جازدى ابزال قۇسپان ءوزىنىڭ فەيسبۋك پاراقشاسىندا.
"ادىرنا" ۇلتتىق پورتالى
