Halyqaralyq qatynastar, qorǵanys jáne qaýipsizdik komıtetiniń tóraǵasy Muhtar Qul-Muhamed reseılik telearnadaǵy Qazaqstanǵa qatysty aıtylǵan daýly sózge jaýap berdi, dep habarlaıdy “Adyrna” ulttyq portaly.
"Solovev álemniń kóptegen elderinde burynnan non grata alǵan adam bolatyn jáne qazir barlyq túrdegi sankııalyq qara tizimde bar. Sondyqtan yza-kektiń saldarynan ol bárine jarmasyp ýly silekeıin shashyp júr", – dedi Qul-Muhammed senat kýlýarynda.
Sondaı-aq, ol Solovevtiń telebaǵdarlamasynda óziniń jeke shyǵatynyn jáne baǵdaralamaǵa arandatýshylyq málimdeme jasaıtyn qonaqtardyń shaqyratynyn atap ótti.
"Munyń bári tikeleı efırde jáne esýastyq bolady", – deıdi ol.
Saıasattanýshy Drobnıkııdiń Ýkraınadan "keıingi máselemiz Qazaqstan bolýy múmkin" degen sózine túsinikteme bergen Muhtar Qul-Muhamed muny elimiz úshin tikeleı qaýip dep sanaıtynyn jetkizgen.
Ol Solovev buryn "Rossııa 1" telearnasynda Almatyǵa bomba "tastap jiberýdi" usynǵanyn eske saldy, odan baǵdarlamanyń meımany - Memlekettik Dýmanyń depýtaty Onıenko da úreılenip qalǵan bolatyn.
"Eger ol Eýrazııalyq ekonomıkalyq odaq pen UQShU-da birge turǵan bizge dos Reseıdiń memlekettik arnasynyń efırinde kórsetilmese, dúdámal sarapshysy-fantast Drobnıkııdiń, ol - Jýkov qoı, pikirine nazar aýdarmas edik. Qazaqstan 30 jyldan astam ýaqyt boıy táýelsiz memleket bolyp keledi. Solovev pen oǵan uqsas saıasatkerler shynaıy shyndyqty túsinip, jańa geosaıası shyndyqpen sanasýdy úırenetin ýaqyt keldi", - dedi Muhtar Qul-Muhamed.
