Halyqaralyq qatynastar, qorǧanys jäne qauıpsızdık komitetınıŋ töraǧasy Mūhtar Qūl-Mūhamed reseilık telearnadaǧy Qazaqstanǧa qatysty aitylǧan dauly sözge jauap berdı, dep habarlaidy “Adyrna” ūlttyq portaly.
"Solovev älemnıŋ köptegen elderınde būrynnan non grata alǧan adam bolatyn jäne qazır barlyq türdegı sanksiialyq qara tızımde bar. Sondyqtan yza-kektıŋ saldarynan ol bärıne jarmasyp uly sılekeiın şaşyp jür", – dedı Qūl-Mūhammed senat kuluarynda.
Sondai-aq, ol Solovevtıŋ telebaǧdarlamasynda özınıŋ jeke şyǧatynyn jäne baǧdaralamaǧa arandatuşylyq mälımdeme jasaityn qonaqtardyŋ şaqyratynyn atap öttı.
"Mūnyŋ bärı tıkelei efirde jäne esuastyq bolady", – deidı ol.
Saiasattanuşy Drobniskiidıŋ Ukrainadan "keiıngı mäselemız Qazaqstan boluy mümkın" degen sözıne tüsınıkteme bergen Mūhtar Qūl-Mūhamed mūny elımız üşın tıkelei qauıp dep sanaitynyn jetkızgen.
Ol Solovev būryn "Rossiia 1" telearnasynda Almatyǧa bomba "tastap jıberudı" ūsynǧanyn eske saldy, odan baǧdarlamanyŋ meimany - Memlekettık Dumanyŋ deputaty Onişenko da üreilenıp qalǧan bolatyn.
"Eger ol Euraziialyq ekonomikalyq odaq pen ŪQŞŪ-da bırge tūrǧan bızge dos Reseidıŋ memlekettık arnasynyŋ efirınde körsetılmese, düdämal sarapşysy-fantast Drobniskiidıŋ, ol - Jukov qoi, pıkırıne nazar audarmas edık. Qazaqstan 30 jyldan astam uaqyt boiy täuelsız memleket bolyp keledı. Solovev pen oǧan ūqsas saiasatkerler şynaiy şyndyqty tüsınıp, jaŋa geosaiasi şyndyqpen sanasudy üirenetın uaqyt keldı", - dedı Mūhtar Qūl-Mūhamed.
