قازاقستان World Happiness Report 2025 رەيتينگىسىندە 43-ورىنعا يە بولىپ، الەمدەگى ەڭ باقىتتى 50 ەلدىڭ قاتارىنا ەنگەن، دەپ حابارلايدى "ادىرنا" ۇلتتىق پورتالى.
رەيتينگتىڭ كوشباسىندا فينليانديا تۇر. بۇل ەل سەگىزىنشى جىل قاتارىنان ءبىرىنشى ورىندى ەشكىمگە بەرمەي كەلەدى. ودان كەيىنگى ورىنداردى دانيا، يسلانديا، شۆەتسيا جانە نيدەرلاندى يەلەندى.
قازاقستان بيىل 43-ورىنعا تۇراقتاپ، رەسەي، قىرعىزستان، تاجىكستان، ارمەنيا، گرۋزيا جانە ءازىربايجاندى ارتتا قالدىردى. ال ۋكراينا 111-ورىنعا يە بولدى.
رەيتينگتىڭ سوڭعى قاتارىنان بيىل دا اۋعانستان كورىندى. ودان كەيىن سەررا-لەونە مەن ليۆان ورنالاسقان.
رەيتينگ التى نەگىزگى كورسەتكىشكە نەگىزدەلگەن. ءبىرىنشى - جان باسىنا شاققانداعى ءجىو ء(ىجو); ءومىر ءسۇرۋ ۇزاقتىعى; جومارتتىق دەڭگەيى; الەۋمەتتىك قولداۋ; ەركىندىك پەن ماڭىزدى ومىرلىك شەشىمدەردى قابىلداۋداعى سىبايلاس جەمقورلىقتىڭ اسەرى.
2024 جىلى وزبەكستان تمد ەلدەرى اراسىنداعى ەڭ باقىتتى مەملەكەت اتانىپ، 47-ورىنعا تۇراقتاعان ەدى. قازاقستان سول كەزدە 49-ورىن العان بولاتىن. بيىلعى رەيتينگتە قازاقستان 43-ورىنعا كوتەرىلىپ، ناتيجەسىن جاقسارتتى.
