«ءبىر بەلدەۋ – ءبىر جول» باستاماسى وسى جەردە العاشقى رەت ۇسىنىلعان بولاتىن.
27 مامىردا الماتىدا «تسزيانسۋ سۋىنىڭ اۋەنى» اتتى مادەنيەت پەن ءتۋريزمدى ىلگەرىلەتۋ كونفەرەنتسياسى ءساتتى ءوتتى. تسزيانسۋ ولكەسىنىڭ مادەنيەت جانە تۋريزم دەپارتامەنتى ديرەكتورىنىڭ ورىنباسارى ما لۋن، قىتايدىڭ الماتىداعى باس كونسۋلدىگىنىڭ باس كونسۋلىنىڭ ورىنباسارى ليۋي ي جانە الماتى وبلىسىنىڭ تۋريستىك اقپاراتتىق ورتالىعىنىڭ ديرەكتورى مارات كوشەر وسى شاراعا كەلىپ، ءسوز سويلەدى.
بۇل شاراعا 60-قا جۋىق ادام قاتىستى. ولاردىڭ ىشىندە قازاقستاندىق تۋريستىك قاۋىمداستىق توراعاسى راشيدا راشيدقىزى شايكەنوۆا، «تۋريزم يندۋسترياسىنىڭ ۇلتتىق قاۋىمداستىعى» زاڭدى تۇلعالار بىرلەستىگىنىڭ پرەزيدەنتى راۋشان ءشامىل، «قازاقستان رەسپۋبليكاسىنىڭ ورتالىق مەملەكەتتىك مۇراجايىنىڭ» ديرەكتورى راشيدا ەرىمقىزى حاريپوۆا، ءابىلحان قاستەەۆ اتىنداعى مەملەكەتتىك ونەر مۇراجايى ديرەكتورىنىڭ ورىنباسارى ءمولدىر ماحابباتقىزى بيگەلديەۆا جانە باسقا دا مادەنيەت جانە تۋريزم سالاسىنداعى قايراتكەرلەر بار.
ءىس-شارا تسزيانسۋ ولكەسىندە كوپ ايتىلاتىن «جاسمين» انىمەن باستالدى. قازاقستاننىڭ ۇلتتىق مۋزىكا اسپاپتارى مەن تسزيانسۋدىڭ نازىك، سىرلى، اۋەزدى اۋەنىنىڭ ۇيلەسىمى ەرەكشە اسەر سىيلايدى.
تسزيانسۋ ولكەسىنىڭ مادەنيەت جانە تۋريزم دەپارتامەنتى ديرەكتورىنىڭ ورىنباسارى ما لۋن ءوز سوزىندە مىناداي جايتتاردى اتاپ كورسەتتى:
«سي توراعا «ءبىر بەلدەۋ – ءبىر جول» باستاماسى جايىندا العاش رەت ءدال وسى جەرگە – قازاقستانعا كەلگەن ساپارىندا ايتتى. ال تسزيانسۋ بولسا، «جىبەك جولى» ەكونوميكالىق بەلدەۋى مەن تەڭىز جىبەك جولىنىڭ توعىسىندا ورنالاسقان، قىتايدىڭ شىعىسىنداعى، تەڭىز جاعاسىنداعى ولكە. «سۋ جانە مادەنيەت» – تسزيانسۋ ولكەسىنىڭ ايقىن سيپاتى. سۋ مەن مادەنيەتتىڭ ۇيلەسىمى ءتسزيانسۋدىڭ عاجايىپ تابيعاتىن، ءتىل ۇيىرەر تاعامدارىن، سونى مادەنيەتى مەن ادەمى ءومىر سالتىن قالىپتاستىردى. تسزيانسۋ شەتەلگە بارعىسى كەلەتىندەرگە تۋريستىك قىزمەتتى وڭتايلاندىرۋ ءۇشىن كۇش-جىگەر سالىپ، ايانباي جۇمىس ىستەپ جاتىر. «تسزيانسۋ سۋىنىڭ اۋەنى» اتتى مادەنيەت جانە ءتۋريزمدى ىلگەرىلەتۋ كونفەرەنتسياسى تسزيانسۋ ولكەسى مەن قازاقستان اراسىندا مادەنيەت جانە تۋريزم سالاسىنداعى ىنتىماقتاستىقتى تەرەڭدەتە تۇسۋگە ىقپال ەتەدى».
ءسوزىنىڭ سوڭىندا ما لۋن «تسزيانسۋ سۋىنىڭ اۋەنىن» تىڭداپ، قۇلاق قۇرىشىن قاندىرۋ ءۇشىن قازاقستانداعى دوستارىن تسزيانسۋعا شاقىردى.
قىتايدىڭ الماتىداعى باس كونسۋلدىگى ەكى ەلدى جالعاستىرۋشى كوپىر بولىپ وتىر. اسىرەسە، «قازاقستاندىق تۋريزم جىلى» اياسىندا جوعارى دەڭگەيدەگى ىنتىماقتاستىقتى ارتتىرۋعا، بىرلەسكەن مادەني جانە تۋريستىك الماسۋعا ەرەكشە قولداۋ كورسەتۋدە. ءوزارا تۇسىنىستىكتى بەكىتىپ، ادامدار اراسىنداعى بايلانىستارعا جاردەمدەسىپ، ەكى ەل اراسىنداعى ساپالى دامۋعا جاڭا سەرپىن، ۇلكەن ۇلەس قوسىپ جاتىر.
الماتى وبلىسىنىڭ تۋريستىك اقپاراتتىق ورتالىعىنىڭ ديرەكتورى مارات كوشەردىڭ مالىمدەۋىنشە، تسزيانسۋ ولكەسى مادەني جانە تۋريستىك باسقارماسى وكىلدەرىنىڭ ەلىمىزگە ارنايى ات باسىن بۇرىپ كەلۋىنىڭ ماڭىزى زور. اسىرەسە، قىتاي مەن قازاقستان اراسىنداعى ماڭىزدى وقيعالاردى ەسكەرگەندە: 2024 جىل قىتايدا «قازاقستاندىق تۋريزم جىلى» دەپ جاريالانىپ وتىر. بۇل تاراپتار اراسىنداعى ىنتىماقتاستىقتى جانە تاجىريبە الماسۋدى كەڭەيتۋ ءۇشىن جاڭا مۇمكىندىك اشادى. تسزيانسۋ – سۇلۋ تابيعاتقا، ەجەلگى ساۋلەتتى قۇرىلىستارعا جانە عاجايىپ تاريحي مادەنيەتكە باي ولكە. الماتى بولسا، اسقار تاۋلارىمەن، ءمولدىر كولدەرىمەن جانە تاريحي ەسكەرتكىشتەرىمەن تارتىمدى. ەكى ولكەنىڭ كەلبەتى ۇقساماعانىمەن، ەرەكشە كورىكتىلىگى جاعىنان ءبىر-بىرىنەن كەم تۇسپەيدى.
ەكى تاراپ تا مادەني مۇرالاردى كوزدىڭ قاراشىعىنداي ساقتايدى. سونداي-اق تۇراقتى دامۋدى دا اسا باعالايدى. بۇل مادەنيەت جانە تۋريزم يندۋسترياسىنىڭ دامۋىنا ەلەۋلى ىقپال ەتپەك. ناتيجەلى ءارى ۇزاق مەرزىمدى ىنتىماقتاستىقتى ۇدايى ارتتىرىپ وتىرۋ ءۇشىن ەكى تاراپ تا كۇش-جىگەرىن ايامايدى دەپ سەنەمىز.
سودان سوڭ تسزيانسۋدىڭ مادەني جانە تۋريستىك ونىمدەرى تانىستىرىلدى. قوناقتارعا تسزيانسۋدىڭ 4 قىرى – بۇكىلالەمدىك مۇراسى، ەجەلگى قالالارى، ماتەريالدى ەمەس مادەني مۇرالارى، ۇلتتىق تاعامدارى مەن بەلسەندى دەمالىس ورىندارى كورسەتىلدى.
«بيىلعى جىل قىتايداعى قازاقستاننىڭ تۋريزم جىلى بولىپ جاريالاندى جانە قازىرگى ۋاقىتتا ەكى ەل اراسىندا وتە تىعىز قارىم-قاتىناس ورناتىلۋدا. ۆيزاسىز رەجيم ءبىزدىڭ پرەزيدەنتتەر ەكىجاقتى كەلىسىمگە قول قويعان 2023 جىلدىڭ 2 قاراشاسىنان باستاپ كۇشىنە ەنەدى. وسىلايشا، ءتۋريزمنىڭ دامۋى قازىر جاقسى دامىپ كەلەدى. ء"بىر بەلدەۋ جانە ءبىر جول" جوسپارىنىڭ ارقاسىندا ءبىز ۇلى جىبەك جولىن بىرگە دامىتامىز دەپ سەنەمىز! بۇگىن تانىسۋدى تىڭداعاننان كەيىن تسزيانسۋ پروۆينتسياسى جەرگىلىكتى پەيزاجدار وتە ادەمى جانە مادەني تۋريستىك رەسۋرستارعا باي ەكەنىنە كوز جەتكىزدى. ءبىز بۇل سۇلۋلىقتاردى كوزبەن كورۋ ءۇشىن تسزيانسۋعا بارۋىمىز كەرەك.» قازاقستان ۇلتتىق تۋريستىك يندۋستريا قاۋىمداستىعىنىڭ پرەزيدەنتى راۋشان شاميل.
تسزيانسۋ ولكەسىنىڭ تۋريستىك يندۋسترياسىنىڭ وكىلى رەتىندە CITS جشق (تسزيانسۋ) قازاقستاندىق STEPSKY تۋروپەراتورىمەن ستراتەگيالىق ىنتىماقتاستىق تۋرالى كەلىسىم جاسادى. تۋريزم نارىعىن بىرلەسە دامىتۋعا ۋاعدالاستى.
كونفەرەنتسيا باستالاردىڭ الدىندا كورسەتىلگەن بەينەجازبادا تسزيانسۋ ولكەسىندەگى ءتۋريزمنىڭ ەڭ جاقسى ون باعىتتى كورسەتىلدى. ونىڭ ەكەۋى كەلگەن قوناقتاردىڭ ەرەكشە قىزىعۋشىلىعىن تۋدىردى.
ءىس-شارادا تسزيانسۋدىڭ ناقىشتى ويمالارى مەن ماتەريالدى ەمەس مادەني مۇراسى كورسەتىلدى. تسزيانسۋ ولكەسىنىڭ كوركەم ونەر مۇراجايىنان ارنايى الدىرىلعان مۇرالار قوناقتارعا ەرەكشە اسەر سىيلاپ، تسزيانسۋ ولكەسىنىڭ مادەنيەتىن تەرەڭ تۇسىنۋگە مۇمكىندىك بەردى. تاماشالاۋشىلار جوعارى باعالادى.
مادەني الماسۋدى كۇشەيتۋ جانە وركەنيەتتەردىڭ ءبىر-بىرىنەن كوپ نارسەنى ۇيرەنۋى اسا ماڭىزدى. سوندىقتان تسزيانسۋ ولكەسىنىڭ مادەنيەت جانە تۋريزم دەپارتامەنتىنىڭ دەلەگاتسياسى قازاقستانعا كەلگەندە قازاقستان رەسپۋبليكاسىنىڭ ورتالىق مەملەكەتتىك مۇراجايىن، ءابىلحان قاستەەۆ اتىنداعى مەملەكەتتىك ونەر مۇراجايىن ارالادى. ەگجەي-تەگجەيلى كەلىسسوز جۇرگىزدى.
