2022 جىلدىڭ ءبىرىنشى توقسانىندا قازاقستان مەن وزبەكستان اراسىنداعى تاۋار اينالىمىنىڭ 39%-عا جۋىعىن شيكىزات قۇرادى. بۇل تۋرالى قر ساۋدا جانە ينتەگراتسيا مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
«2022 جىلدىڭ ءبىرىنشى توقسانىندا قازاقستان مەن وزبەكستان اراسىنداعى وڭدەلگەن تاۋار اينالىمى 610,1 ميلليون دوللاردى قۇرادى. بۇل 2021 جىلدىڭ ءبىرىنشى توقسانىمەن سالىستىرعاندا 21,3 پايىزعا جوعارى. ەلدەر اراسىنداعى جالپى تاۋار اينالىمى (شيكىزات جانە وڭدەلگەن تاۋارلار) 1 ملرد دوللاردى قۇرادى، بۇل 2021 جىلدىڭ ءبىرىنشى توقسانىمەن سالىستىرعاندا 27,2%-عا جوعارى»، - دەلىنگەن MIT اقپاراتىندا.
وسىلايشا، تاۋار اينالىمى 389,9 ملن دوللاردى نەمەسە ەلدەر اراسىنداعى جالپى تاۋار اينالىمىنىڭ 39 پايىزىن قۇرادى.
اقپاراتقا سايكەس، ءبىرىنشى توقساندا قازاقستاننان وزبەكستانعا وڭدەلگەن تاۋارلار ەكسپورتى 41,9 پايىزعا ءوسىپ، 469,3 ميلليون دوللاردى قۇرادى، يمپورت 18,2 پايىزعا ازايىپ، 140,8 ميلليون دوللاردى قۇرادى.
”ادىرنا” ۇلتتىق پورتالى
