سولتۇستىك وڭىرلەردى گازبەن قامتۋعا ارنالعان «ەسىل – استانا» ماگيسترالدىق گاز قۇبىرىن 2030 جىلعى 1 قاڭتاردا پايدالانۋعا بەرۋ جوسپارلانىپ وتىر. بۇل تۋرالى رەسەيدەگى قازاقستاننىڭ توتەنشە جانە وكىلەتتى ەلشىسى داۋرەن اباەۆ «كومسومولسكايا پراۆدا» باسىلىمىنا بەرگەن سۇحباتىندا مالىمدەدى، دەپ حابارلايدى "ادىرنا".
جاڭا گاز قۇبىرىن سالۋ جونىندەگى مەموراندۋمعا «گازپروم» مەن قازاقستان 2025 جىلعى قازاندا قول قويعان. رەسمي ءراسىم XIV پەتەربۋرگ حالىقارالىق گاز فورۋمىندا وتكەن. جوباعا سايكەس، قۇبىردىڭ وتكىزۋ قۋاتى جىلىنا 10 ملرد تەكشە مەتردى، ال كومپرەسسورلىق ستانتسيالاردىڭ قۋاتى 50 مۆت-تى قۇرايدى. گاز باتىس ءسىبىر كەن ورىندارىنان جەتكىزىلەدى دەپ جوسپارلانعان.
بۇعان دەيىن گاز قۇبىرىن رەسەيدەن قازاقستاننىڭ سولتۇستىك-شىعىسى ارقىلى قىتايعا دەيىن تارتۋ نۇسقاسى دا قاراستىرىلعان. قازاقستان بيلىگىنىڭ مالىمەتىنشە، بۇل جوبا بويىنشا تالقىلاۋ جالعاسۋدا. الايدا «گازپروم» مەن قىتايدىڭ CNPC كومپانياسى ء«سىبىر كۇشى – 2» جانە موڭعوليا ارقىلى وتەتىن ترانزيتتىك گاز قۇبىرىن سالۋ تۋرالى زاڭدى مەموراندۋمعا قول قويعاننان كەيىن، ساراپشىلار اتالعان باعىتتىڭ تيىمدىلىگىنە كۇمان كەلتىرە باستادى.
