الماتىدا تانىمال ءانشى سۆەتلانا لوبودانىڭ قاتىسۋىمەن وتكىزىلگەن كونتسەرت (بايقاۋ) كوپتىڭ اشۋىن تۋدىرىپ، سىننىڭ استىنا قالدى. بۇل تۋرالى اۋدارماشى عاليا شاۋدىرباەۆا ءوزىنىڭ فەيسبۋك پاراقشاسىندا جازدى، دەپ حابارلايدى "ادىرنا" ۇلتتىق پورتالى.
"جالپى، ۇلتتىق قۇندىلىقتاردى جويۋعا ۇمتىلىس وسىنداي بولادى! مىنا بايقاۋدى، كونتسەرتتى كىم ۇيىمداستىرعان ەكەن؟ ۇيىمداستىرعاندا دا، قاي جاعىمەن ويلانعان؟ ءسال ەڭكەيسە، ومىراۋى اقتارىلايىن دەپ تۇرعان جەلىكباستاردىڭ ار جاعىنا قازاق قىزدارىن “مىڭ بۇرالتىپ” قويعانى قالاي؟ وسىنداي كونتسەرت، ءىس-شارالار ستسەناريى، مەنىڭشە، الدىن-الا اكىمدىككە وتكىزىلەدى. سوندا ول تەك گالوچكا ءۇشىن بە؟ لوبودانىڭ ارتىنا قويىپ قىزداردى، لەسليدىڭ اياعىنا جىعىپ بەرە سالاتىن ۇيىمداستىرۋشىلار، بۇيتكەن كرەاتيۆ شوۋلارىڭىزعا تۇكىردىم دە، قول قويدىم! “الەم ارۋى” حالىقارالىق بايقاۋىندا ءان شىرقاعان ديماش قۇدايبەرگەننىڭ ارتىنا ەشكىم جالاڭاش قىزىن قويعان جوق! سونداي اسەرلى شىققان ەدى! “قازاق ارۋى” دەگەن ءاندى مارات وماروۆ اعامىز شىعارعان، سول ءاندى ەسترادامىزدىڭ نۇربولات نۇربۋللين، ءابدىجاپپار القوجا، عازيزحان شەكەربەكوۆ سياقتى سىمباتتى دا، ونەرلى جىگىتتەرىنە ورىنداتسا دا بولار ەدى",- دەپ جازدى اۆتور.
"ادىرنا" ۇلتتىق پورتالى
