رەسەيلىك «سەرەبرو» توبىنىڭ بۇرىنعى مۇشەسى ولگا سەريابكينانىڭ الماتىداعى كونتسەرتىنە بايكوت جاريالانۋدا. وعان ءانشىنىڭ ەلدى جاماندادى دەلىنگەن ۆيدەوسى سەبەپ بولدى، دەپ حابارلايدى “ادىرنا” ۇلتتىق پورتالى.
الەۋمەتتىك جەلىلەردە ايتىلعان سوزدەر كونتەكستەن ءبولىنىپ الىنسا دا، كوپتەگەن قولدانۋشىلار ونى قورلاۋ رەتىندە قابىلداپ، الماتىداعى كونتسەرتىنە بويكوت جاريالاۋدى تالاپ ەتتى.
«نە بولىپ جاتىر؟ قازاقستان؟ بىزگە ءبارىبىر...»، — دەپ ايتادى ول ۆيدەودا.
كەيبىر جەلى قولدانۋشىلارى ءانشىنىڭ بۇل سوزدەردى چات سۇراعىنا جاۋاپ رەتىندە ايتقانىن جانە ونىڭ ماعىناسى قاتە تۇسىندىرىلگەنىن اتاپ وتۋدە. دەگەنمەن، بۇل رەنىش تولقىنىن توقتاتپادى.
«كونتەكستەن ءبولىندى مە، جوق پا — ءبىز نە ايتقانىن ەستىپ تۇرمىز. بۇل بىزگە جەتكىلىكتى. ال كەشىرىم سۇراسا، ونى ءوز ورنىنا قويسىن، بىزگە ولار قاجەت ەمەس. قازاقستانعا كىرگىزبەڭدەر! سول جەردە جىلاي بەرسىن»، — دەپ جازدى ءبىر قولدانۋشى.
پىكىرلەر ءارتۇرلى بولسا دا، كوپشىلىك كونتسەرتكە بويكوت جاريالاۋ يدەياسىنا قولداۋ ءبىلدىرىپ وتىر. كەيبىرەۋلەر ونىڭ قازاقستاندا ونەر كورسەتۋىنە تىيىم سالۋدى تالاپ ەتۋدە. كەيبىر پىكىر بىلدىرۋشىلەر كەشىرىم سۇراۋعا دا كونبەيدى.
