Memleket basşysy Qasym-Jomart Kemelūly özınıŋ halyqqa Joldauynda käsıpkerlıktı jüielı türde qoldau kerektıgın aity, dep habarlaidy «Adyrna» tılşısı.
Prezmdenttıŋ būl pärmenı almatylyqtardyŋ käsıp aşuǧa grant alyp, jaŋa mamandyqty tegın igeruıne jol aqşany aqiqat. Būl turaly qalalyq halyqty jūmyspen qamtu ortalyǧynyŋ direktory Saǧyndyq Kenjebaev mälımdedı.
Basşysynyŋ aituynşa, Almaty qalalyq jūmyspen qamtu ortalyǧynda «2021-2025 jyldarǧa arnalǧan käsıpkerlıktı damytu jönındegı ūlttyq jobasy» qarqyndy türde jüzege asyp keledı.
«Bırınşıden, megapoliste jūmyssyzdardy käsıptık oqytu belsendı jürıp jatyr. Oqytu jūmys beruşılerdıŋ ötınışı boiynşa oqu ortalyqtarynda jäne jūmys beruşılerdıŋ jūmys ornynda jürgızıledı. Oqu ūzaqtyǧy 6 aiǧa deiın. Jobaǧa qatysuşylar oqu aqysyn töleu boiynşa (50 myŋ teŋge) memlekettık qoldaumen, (20 949 teŋge) stipendiiamen qamtamasyz etıledı. Oqu aiaqtalǧannan keiın jūmys beruşı jūmyssyzdardy alǧan mamandyǧy boiynşa tūraqty jūmys ornyna (kemınde 12 ai merzımmen) jūmysqa ornalastyruǧa mındettenedı»,- dedı ol.Aituynşa, biyl 25 mamandyq boiynşa 1002 adamdy oqytu josparlanǧan, bügıngı taŋda käsıptık oqytu kurstaryna 1003 adam jıberıldı, onyŋ ışınde 659 adam oqudy aiaqtady, 499 adam alǧan mamandyǧy boiynşa tūraqty jūmys oryndaryna ornalasty.
«Būdan basqa, jappai käsıpkerlıktı damytu şeŋberınde ailyq eseptık körsetkıştıŋ 400 eselengen mölşerıne deiın memlekettık granttar beru közdelgen - būl jaŋa biznestı bastau jäne damytu üşın qaitarymsyz negızde berıletın bastapqy kapital. Grant qarajaty ısın jaŋa bastaǧan jas käsıpkerlerge, sondai-aq jekelegen äleumettık sanattarǧa jatatyn adamdarǧa (29 jasqa deiıngı jas käsıpkerler, AÄK jäne köp balaly retınde, asyrauşysynan aiyrylǧanǧa bailanysty järdemaqy aluşylar, qandastar, mügedek balany tärbielep otyrǧan mügedektıgı bar adamdar) özderınıŋ biznes-äleuetın ıske asyruǧa, öndırıstı jolǧa qoiuǧa jäne damytuǧa, sonymen qosa özın tūraqty tabyspen qamtamasyz etuge mümkındık beredı»,- deidı ol.Aita keteiık, granttar kelesı baǧyttardy damytuǧa ǧana berıledı: qajettı qūral-saimandardy, eŋbek qūraldaryn, tehnologiialyq jabdyqtardy, januarlardy, maldy, qūsty, köşetterdı, būtalardy, tūqymdardy, satyp alu, üi-jaidy jalǧa alu aqysyn töleu.
«Granttar tūtynu maqsattaryna, kredittık qaryzdardy öteuge, tūrǧyn üi jyljymaityn mülıgın satyp aluǧa jäne saluǧa, jer uchaskelerın satyp aluǧa, aksizdeletın önım öndıruge berılmeidı»,- dep tüsındırdı spiker.Bügıngı taŋda memlekettık granttardy 483 ümıtker aldy. Taǧy 1086 ümıtkerge beru josparda.
Ūqsas jaŋalyqtar
