الماتى Oyan قوزعالىسىنىڭ بەلسەندىلەرى جىلۋسىز قالعان ەكىباستۇز قالاسىن قولداۋ ءۇشىن اكتسيا وتكىزدى، دەپ حابارلايدى “ادىرنا” ۇلتتىق پورتالى.
Oyan قوزعالىسىنىڭ بەلسەندىلەرى ۆلادا ەرمولچەۆا مەن ماريا كوچنەۆا -7 گرادۋس سۋىققا قاراماستان جەڭىل كيىنىپ، قولدارىنا "ەكىباستۇز – جەمقورلىقتىڭ جەمىسى", "كەشە سايلاۋ، بۇگىن ەكىباستۇز، تاڭداۋىمىز وسى ما؟" دەپ جازىلعان پلاكات ۇستاعان.
ولار جەرگىلىكتى بيلىكتىڭ وتستاۆكاعا كەتۋىن تالاپ ەتىپ، بيلىكتىڭ ەكىباستۇزداعى پروبلەماعا كوز جۇما قاراۋىن سىنعا الدى. پوليتسيا اكتسيا بىتكەنىن كۇتىپ، جارتى ساعاتتان كەيىن بەلسەندىلەردى ۇستاپ اكەتتى.
«ەكىباستۇزدىڭ توڭىپ جاتقان تۇرعىندارىمەن بىرلەستىك بەلگىسى رەتىندە بەلسەندىلەر سىرت كيىمسىز ميتيڭگە شىعىپ، ونداعى ادامداردىڭ ءوزىن قالاي سەزىنەتىنىن كورسەتىپ، قازاقستانداعى جىلۋ جەلىلەرىنىڭ توزىعۋ ماسەلەسىنە نازار اۋدارعىمىز كەلەدى. وسى كۇنگە دەيىن ەلدىڭ تۇكپىر-تۇكپىرىندە زارداپ شەككەندەرگە حالىق كومەك جينايدى، ال بيلىك بولىپ جاتقان وقيعاعا ءمان بەرمەيدى»، — دەلىنگەن قوزعالىس پاراقشاسىندا.
ال بۇگىن بيلىك ەكىباستۇزدا جىلۋسىز قالعان ۇيلەرگە تۇنگە دەيىن جىلۋ بەرەمىز دەپ تاعى دا ۋادە ەتتى.
