قازاقستان رەسپۋبليكاسى پرەزيدەنتتىگىنە ۇمىتكەر قاراقات ابدەن الەۋمەتتىك جەلىدە نەگىزسىز جالا جاۋىپ، ءوزىن قورلاعانداردى زاڭ نەگىزىندە "تاۋبەگە ءتۇسىرىپ، تەزگە سالاتىنىن" جەتكىزدى. كانديدات بلوگەرلەرگە ەسكەرتۋ جاسادى. ەندىگى قر زاڭناماسىنا ارقا سۇيەي وتىرىپ، "جاۋىققانداردى" جاۋاپقا تارتاتىنىن ايتتى. بۇل جايلى "ادىرنا" ۇلتتىق پورتالى جازدى.
- تىكەسىن ايتقاندا، سوڭعى كەزدەرى كەيبىر بلوگەرلەردىڭ مەن دەسە، "اتارعا وعى جوق" ەكەندىگىن بايقايمىن. نەگىزسىز قارالاي باستادى. الەۋمەتتىك جەلىلەردە قاراپتان-قاراپ وتىرىپ، قوعامدىق دۇرىس ەمەس پىكىر قالىپتاساتىنىندارعا، كەيدە اشىق جالا جاباتىندارعا (قر اقبتك 73-3-بابى) جانە قورلايتىندارعا (قر قك 131-بابى) قاتىستى زاڭ بار. قۋانىشقا وراي، زاڭناما بويىنشا مۇنداي قۇقىق بۇزۋشىلىقتارعا جول اشقانداردى جاۋاپقا تارتۋعا بولادى. مەن بۇل زاڭناماعا جاقىن ارادا جۇگىنۋدى جوسپارلاپ وتىرمىن. ءسوز بوستاندىعى جانە وزگە ادامنىڭ ار-نامىسىن، قادىر-قاسيەتىن قورلاۋدىڭ اراسىندا ۇلكەن ايىرماشىلىق بار. ال ءىرى اۋديتورياسى بار ادامدار مۇنى ارقاشان ەستە ۇستاۋى كەرەك - دەدى كانديدات.
ەسكە سالا كەتەيىك، قازىر قازاقستان پرەزيدەنتتىگىنە ۇمىتكەرلەر سايلاۋ الدى ناۋقانعا بەل شەشىپ، بىلەك سىبانا كىرىسىپ جاتىر. ەلىمىزدەگى كەزەكتەن تىس پرەزيدەنت سايلاۋى 20 قاراشا كۇنى وتەدى.
"ادىرنا" ۇلتتىق پورتالى
