Qazaqstan Respýblıkasy prezıdenttigine úmitker Qaraqat Ábden áleýmettik jelide negizsiz jala jaýyp, ózin qorlaǵandardy zań negizinde "táýbege túsirip, tezge salatynyn" jetkizdi. Kandıdat blogerlerge eskertý jasady. Endigi QR zańnamasyna arqa súıeı otyryp, "jaýyqqandardy" jaýapqa tartatynyn aıtty. Bul jaıly "Adyrna" ulttyq portaly jazdy.
- Tikesin aıtqanda, sońǵy kezderi keıbir blogerlerdiń men dese, "atarǵa oǵy joq" ekendigin baıqaımyn. Negizsiz qaralaı bastady. Áleýmettik jelilerde qaraptan-qarap otyryp, qoǵamdyq durys emes pikir qalyptasatynyndarǵa, keıde ashyq jala jabatyndarǵa (QR ÁQBtK 73-3-baby) jáne qorlaıtyndarǵa (QR QK 131-baby) qatysty zań bar. Qýanyshqa oraı, zańnama boıynsha mundaı quqyq buzýshylyqtarǵa jol ashqandardy jaýapqa tartýǵa bolady. Men bul zańnamaǵa jaqyn arada júginýdi josparlap otyrmyn. Sóz bostandyǵy jáne ózge adamnyń ar-namysyn, qadir-qasıetin qorlaýdyń arasynda úlken aıyrmashylyq bar. Al iri aýdıtorııasy bar adamdar muny árqashan este ustaýy kerek - dedi kandıdat.
Eske sala keteıik, qazir Qazaqstan Prezıdenttigine úmitkerler saılaý aldy naýqanǵa bel sheship, bilek sybana kirisip jatyr. Elimizdegi kezekten tys Prezıdent saılaýy 20 qarasha kúni ótedi.
"Adyrna" ulttyq portaly
