15-قاراشا - باتىرلار كۇنى

10147
Adyrna.kz Telegram

قامال بۇزار قازاقتىڭ باتىرلارى،
نامىس-وت بوپ جان-كۇيى لاپىلدادى. ارىستانداي بەلگىلى ايباتتانىپ،
جولبارىستاي جاۋىنا اتىلعانى...

ەلدىك ءۇشىن مۇز شايناپ،
وتقا كىرگەن،
ەرلىك قۇرىپ ەڭسەلى
توپقا كىرگەن
جاۋدىڭ لەگى جەتكەندە ەل شەتىنە،
اتوي سالىپ ال سوندا
اتقا مىنگەن.

اۋىلداستان كەزى جوق الىس قونعان،
قارىنداستان جەرى جوق قالىس قالعان.
تولاعاي ءتوس،بۋرا جون باتىرلار-اي،
نايزاسىنىڭ ۇشىندا
نامىس جانعان.

بۇلىك سالىپ بوي بەرسە
جاتتان كىسى،
باتىردىڭ بۇل بابىنا باققان تۇسى.
جۇرەگىندە جىگەرلى ءبىر كەك قايناپ،
بىلەگىندە بۇلقىنعان
باتپان كۇشى.

جاۋ قولىنان قايىسسا
سوقپاق، دالام،
باتىر باتىر بولا ما
وت قاپپاعان؟!
جەرىن قورعاپ،بولسىنشى جانى پيدا،
ءتورىن بىراق جاۋىنا تاپتاتپاعان.

قازاقتىڭ باتىرلارى-اي،
بۇركىت قاباق،
جاۋدىڭ زورى تۇرعان عوي ۇركىپ قاراپ.
دۇلەي جاۋدىڭ ۇرەيىن ۇشىرعان عوي،
شۇيىلە تۇسكەن سəتتە سىلكىپ قانات.

ەي، جاس ۇرپاق،
سول ەرلەر سەنىڭ باباڭ،
بەيبىت عۇمىر كەلگەن جوق
تەگىن ساعان.
...ءباھادۇر باتىرلاردىڭ ارقاسى عوي--
جەرىم ءبۇتىن تۇرعانى،ەلىم امان.

اقىن ناۋرىزباي جاربوسىنۇلى،
س.قوجانوۆ جəنە
ءى.جانسۇگىروۆ اتىنداعى سىيلىقتىڭ يەگەرى

پىكىرلەر