اقىن ۇلاربەك دالەيۇلى ءوزىنىڭ فەيسبۋكتەگى پاراقشاسىندا جازۋشى، دراماتۋرگ ءارى نۇرسۇلتان نازارباەۆتىڭ قۇداسى ءسابيت دوسانوۆتىڭ پرەزيدەنتكە ارناعان ماداقتاما جىر-شۋماقتارىن جاريالادى. ابىلاي حاننان نازارباەۆتى بيىك قويىپ، توگىلتە جىرلاعان جازۋشىنىڭ ارەكەتى قالىڭ كوپشىلىكتىڭ اشۋ-ىزاسىن تۋدىردى. بۇل جايلى "ادىرنا" ۇلتتىق پورتالى حابارلايدى.
بۇعان قاتىستى اقىن ۇلاربەك دالەيۇلى تومەندەگىدەي جازدى:
- ۇلى حاننىڭ، ەر ابىلايدىڭ ارۋاعىنان اتتاعان جاعىمپازداردىڭ ارتىنان قورعاسىن قۇيسا،... شىڭعىس قاعان جوسىنىمەن.
وقىرماندارعا ءسابيت دوسانوۆ جايلى دەرەك ۇسىنا كەتەيىك.
ءسابيت دوسانوۆ 1940 جىلى 12 قاڭتاردا قوستاناي وبلىسى، امانكەلدى اۋدانىنىڭ بايعابىل اۋىلىندا تۋعان. 1985–1989 جج. كسرو ادەبيەت قورى قازاق بولىمشەسىنىڭ ديرەكتورى، 1991–1995 جج رەسپۋبليكالىق حالىق شىعارماشىلىعى جانە مادەني قىزمەت كورسەتۋ ورتالىعىنىڭ باس ديرەكتورى، 1996–1997 جج. مەملەكەتتىك «قاينار» باسپاسىنىڭ باس رەداكتورى بولىپ ىستەدى. ت.جۇرگەنوۆ اتىنداعى ونەر اكادەمياسىندا ۇستازدىق قىزمەت اتقارعان. افريكاداعى ءدۇندۋ، قازاقستانداعى قوستاناي قالالارىنىڭ، اقسۋات، امانكەلدى اۋداندارىنىڭ قۇرمەتتى ازاماتى. كوپتەگەن رومان، پوۆەست، اڭگىمەلەردىڭ اۆتورى. «قايىرلى تاڭ»، «جانر تاعدىرى»، «سەكسەن بەستىڭ كوكتەمى»، «اداسپاڭدار، ادامدار»، «توتەم پود چادروي»، «تەنزور ستەپنوگو كۋرگانا» اتتى كىتاپتارى بار.
فەيسبۋك قولدانۋشىلارى "تاڭداي قاقتىرارلىق" تۋىندىعا ىزالانىپ جاتىر.
"بۇل ءاندى اقوردا دا سىبىرلاپ ايتاتىن با ەدى، ءبىز ەسمەگەن ءان عوي",
"ە، فليۋگەر جاعىمپازدار قاپتاعان قوعامعا ۇرىندىق قوي",
"وسىلاردى دا اقىن،كومپوزيتور دەيدى عوي يا. ءاي، جاعىمپازدار-اي! قاي جەردەن تەسىپ كىرەتىندەرىڭدى بىلمەي اينالشاقتايسىڭدار" دەدى ولار.
"ادىرنا" ۇلتتىق پورتالى
