Aqtaý qalasyndaǵy hımııa-bıologııa baǵytyndaǵy Nazarbaev Zııatkerlik mektebinde jas muǵalimderdiń aımaqtyq forýmy ótti.
Pedagogıkalyq sheberlik ortalyǵy fılıalynyń uıymdastyrýymen «Jas ustaz: tabysqa aparar jol» atty oblystyq forýmy ótkizildi. Bul shara tamyz aıynda elordada respýblıka kóleminde ótken forýmynyń jalǵasy.
Mańǵystaý oblysy mektepterinen qatysqan 140-tan astam muǵalimge pedagogıkalyq sheberlik ortalyǵy mamandary sabaq qurylymyn zertteý, fýnkıonaldy saýattylyqty arttyrý, oqytýda AKT-ny tıimdi qoldaný sııaqty mańyzdy taqyryptar boıynsha trenıngter uıymdastyrdy. Forýmda taqyryptyq alańdar, jas ustazdardyń sheberlik sabaqtary jáne Active SPOT alańdary jumys jasady.
Forýmnyń ashylý saltanatynda Mańǵystaý oblysynyń bilim basqarmasynyń basshysy Dınara Jumasheva jas ustazdarǵa qoldaý kórsetip, tabysty muǵalim qandaı bolý kerektigin atap ótti. Aqtaý qalasyndaǵy Nazarbaev Zııatkerlik mektebiniń dırektory RınatJumabaev qazirgi jas ustazdarǵa sheberligin shyńdaý úshin elimizde qarastyrylǵan múmkindikterge toqtalyp, ustazdarǵa berilgen bar múmkindikti paıdalanyp, bilikti maman bolýǵa shaqyrdy.
«Jas ustaz: tabysqa aparar jol» oblystyq forýmynda sóz sóılegen bir qatar qatysýshylar men qonaqtar forýmnyń mańyzdylyǵyna toqtaldy.
- Tamyz aıynda respýblıka kóleminde ótken forýmnyń qatysýshysy retinde bundaı sharanyń ustazdar úshin, ásirese jas mamandar úshin mańyzdy ekenin aıtqym keledi. Óıtkeni ustazdar qaýymy eldiń erteńi, bolashaǵy. Olarǵa árdaıym qoldaý kórsetý arqyly bolashaqqa nyq senimmen qaraýǵa ábden bolady. Búgin mine ólkemizdegi daryndy, jas ustazdardyń basyn qosyp, ótken forýmnan alǵan áserimizben, tájirıbemizdi ortaǵa salyp, teorııalyq málemetterdi bólisip jatyrmyz,- deıdi Marat Qanıev, Aqshuqyr mektep-lıeıiniń qazaq tili men ádebıeti páni muǵalimi
Sondaı aq «Jas ustaz:tabysqa aparar jol» forýmyna arnaıy shaqyrylǵan qonaqtar Bokstan Olımpıada oıyndarynyń eki dúrkin kúmis júldegeri, Azııa oıyndarynyń chempıony Ádilbek Nııazymbetov, Qazaqstan jazýshylar odaǵynyń múshesi Baqtybaı Jaılaý, N. Jantýrın atyndaǵy drama teatrynyń akteryErkebulan Beken jas ustazdarmen suhbattasyp, suraqtaryna jaýap berdi.
- Jas ustazdarǵa arnalǵan oblystyq forým óte joǵary deńgeıde ótti. Qyzyq bolǵany sonsha ýaqyttyńda qalaı ótkenin baıqamadyq. Desede kóńil kóterý árıne jaqsy biraq, osy forýmnan alǵan bilimimiz biraz jylǵa azyq bolary sózsiz. Ustazdyq etken shaqtan búginge deıin oblystyń túkpirinen kelgen ustazdarmen alǵash ret kezdesip, tájirıbe almasýdamyn. Dál osyndaı kezdesýler jas ustazdarǵa shynymen de qajet. Qazir zamannyń qarqyndy damyǵan shaǵynda mektepterde qalys qalmaı, oqytýdyń jańa baǵyttaryn paıdalanýda. Osy tusta ustazdar qaýymy bir judyryqtaı jumylyp, bir-birimizge jańa dúnıeni úıretip, tájirıbe almasý óte mańyzdy,- dedi Baqytgúl Tileýbaeva Jańaózen qalasy №24 mektep-lıeıiniń ustazy
- Ustaz - ult bolashaǵymen el tuǵyrynyń kepili bolý kerek. Erteńimiz úshin alańdaıtyn el bolsaq kez kelgen máseleni ustazdardan bastaǵanymyz jón. Ult bolashaǵyn tárbıeleýshilerge óz deńgeıinde qoldaý bildirý qajet, ásirese ustazdyq degen uly jolǵa endi qadam basqan jas mamandarǵa. Mine búgingi forýmnyń basty maqsaty osy,- Pedagogıkalyq sheberlik ortalyǵynyń dırektory Qatıra Boranbaeva
Forým sońynda keri baılanys uıymdastyrylyp, jas ustazdar qaýymynan syndarly qajetti keri baılanystar berildi.
