«اقتاۋ مۇناي سەرۆيستىك كومپانياسى» جشس-ءنىڭ ديرەكتورى ازامات ب. مەن «وزەنمۇنايگاز» اق-نىڭ № 3 مۇناي-گاز ءوندىرۋ باسقارماسىنىڭ ديرەكتورى س. مىرزا 130 ملن تەڭگە كولەمىندە قاراجات جىمقىرعانى ءۇشىن سوتتالدى، دەپ حابارلايدى "ادىرنا" ۇلتتىق پورتالى اقتاۋ قالالىق سوتىنىڭ ءباسپاسوز قىزمەتىنە سىلتەپ.
«سوتتا سەنىپ تاپسىرىلعان مۇلىكتى زاڭسىز يەمدەنىپ، ۇرلاعانى ءۇشىن ايىپتالعان «اقتاۋ مۇناي سەرۆيستىك كومپانياسى» جشس-ءنىڭ ديرەكتورى ب. مەن «وزەنمۇنايگاز» اق-نىڭ № 3 مۇناي-گاز ءوندىرۋ باسقارماسىنىڭ ديرەكتورى س.-عا قاتىستى قك-ءتىڭ 189-بابىنىڭ 4-بولىگىنىڭ 2-تارماعىمەن قىلمىستىق ءىس قارالدى»،- دەپ حابارلادى سوت.
ونىڭ ىشىندە 2018 جىلدىڭ 31 مامىرىندا «وزەنمۇنايگاز» اق مەن «اقتاۋ مۇناي سەرۆيستىك كومپانياسى» جشس-ءى اراسىندا 2021 جىلعى 31 جەلتوقسانعا دەيىن قولدانىستا بولعان ۇڭعىماعا سورعىنى قىسۋ قۇبىرىن ەلەكترتسەنتريفۋگالىق سورعىنى ورناتۋعا ارنالعان تولىق جابدىقتى جالعا الۋ بويىنشا قىزمەتتەر كورسەتۋگە كەلىسىم جاسالعان.
سونداي-اق، ايىپتالۋشىلار ب. جانە س-نىڭ بiرلەسكەن زاڭسىز iس-ارەكەتتەرiنiڭ بويىنشا 2020-2021 جىلدار ارالىعىندا «وزەنمۇنايگاز» اق «اقتاۋ مۇناي سەرۆيستىك كومپانياسى» جشس-گە 108,4 ملن. تەڭگە سوماسىندا 2308 دانا سورعىنى قىسۋ قۇبىرىنىڭ قارجىسى مەن ولاردى جالعا الۋ ءۇشىن 21,7 ملن. تەڭگە سوماسىن ۇستاپ قالماي، تولىق تولەم جاساعان.
«وسىلايشا، ب.-نىڭ زاڭسىز يەمدەنۋ ارقىلى ۇرلاپ، ءوز قالاۋى بويىنشا كادەگە جاراتۋى ناتيجەسىندە، «وزەنمۇنايگاز» اق اتىنان مەملەكەتكە 130 108 118 ملن. تەڭگە كولەمىندە اسا ۇلكەن كولەمدە شىعىن كەلدى»،- دەلىنگەن حابارلامادا.
سوت بارىسىندا پروكۋرور ەكى كۇدىكتىنى كىنالى رەتىندە تانىپ، ولاردىڭ ارقايسىسىن 10 جىل مەرزىمگە باس بوستاندىعىنان ايىردى.
