ەلدىڭ رۋحىن كوتەرىپ، جۇرتتىڭ جىگەرىن وياتاتىن قۇندى جادىگەرلەر تابىلدى، دەپ حابارلايدى «ادىرنا» ءتىلشىسى «حابار 24»-كە سىلتەمە جاساپ.
اتاپ ايتساق، عالىمدار شەتەلدىك مۇراعاتتى اقتارىپ، قازاق حاندىعىنىڭ كونە كارتاسى مەن بۇرىندىق حاننىڭ حاتتارىن ەلگە اكەلدى. اراب قارىپتەرمەن جازىلعان بۇل جادىگەرلەر قازىر ۇلتتىق مۇراعات قورىندا ساقتالىپ تۇر. جىل باسىنان بەرى مۇندا بارلىعى 7 مىڭنان اسا تاريحي-باعالى قۇجاتتار جەتكىزىلگەن. تابىلعان جادىگەرلەردىڭ ەڭ كونەسى 973 جىلى پايدالانىلعان. قازىر بۇل جۇمىستارمەن عالىمدار مەن اۋدارماشىلار اينالاسىپ جاتىر. بۇرىندىق حاننىڭ حاتتارىن دا ماماندار مايشاممەن تەكسەرۋدە. تاريحشىلاردىڭ ايتۋىنشا، بۇل دەرەكتەر تاريحىمىزدى ايقىنداپ، تاۋەلسىزدىكتى تۇعىرلى ەتەدى. ولار جادىگەرلەردىڭ جۇمباعىن شەشكەن بويدا، كوپشىلىككە حابارلايمىز دەدى.
تاريحى تەرەڭدە جاتقان قۇجاتتاردىڭ ءبىر بولىگى بۇگىن «ارحيۆ – ەل تاريحىنىڭ قازىناسى» كونفەرەنتسياسىندا كورسەتىلدى. شارادا احمەت بايتۇرسىنوۆتىڭ 12 تومدىق شىعارمالارى جانە «ارحيۆ-2025» جوباسى اياسىندا شىعارىلعان جيناقتاردىڭ تۇساۋكەسەرى ءوتتى.
«سول قور ارقىلى ءبىز بولاشاقتا ونى عىلىمي اينالۋعا ەنگىزۋ، زەرتتەۋ، جۇمىستارىن باستايتىن بولامىز. ول ءبىرىنشى كەزەكتە تسيفرلاندىرىلادى. سونىمەن بىرگە ارنايى بازا بولادى. سوندا عالىمدار ونى قاشىقتان وقىپ، قاشىقتان زەرتتەۋ جۇمىستارىن جۇرگىزە الادى. بىزدە جىل اياعىنا دەيىن جالعاسادى. بىزدە قازىر 25 مەملەكەتكە بارىپ قايتتى. ونىڭ ىشىندە تمد ەلدەرى، جانە ءبىزدىڭ نەگىزگى قۇجاتتار رەسەي، ەۋروپا ارحيۆتەرىندە جاتىر»،—دەدى قر مادەنيەت جانە سپورت مينيسترلىگى كوميتەت توراعاسى قۋات بوراش.
