«حاندار شەجىرەسى» يۋنەسكو-نىڭ «الەمدىك جادى» تىزىمىنە ەندى

1665
Adyrna.kz Telegram

مەملەكەت باسشىسىنىڭ باستاماسى ناتيجەلى جۇزەگە استى. قازاقستان تاريحى ءۇشىن ماڭىزدى جاڭالىق: XVIII عاسىردا جازىلعان «حاندار شەجىرەسى» قولجازباسى يۋنەسكو-نىڭ حالىقارالىق «الەمدىك جادى» تىزىمىنە ەنگىزىلدى، دەپ حابارلايدى “ادىرنا” ۇلتتىق پورتالى.

بۇل تۋرالى مەملەكەتتىك كەڭەسشى ەرلان قارين Facebook جەلىسىندە حابارلادى.

“مەملەكەت باسشىسىنىڭ تاعى ءبىر باستاماسى جۇزەگە اسىرىلدى. «حاندار شەجىرەسى» قولجازباسى يۋنەسكو-نىڭ حالىقارالىق «الەم جادى» تىزىمىنە ەنگىزىلدى”، – دەپ جازدى ءوز پاراقشاسىندا.

پرەزيدەنت قاسىم-جومارت توقاەۆ بۇعان دەيىن ۇلتتىق قۇرىلتايدىڭ ءتورتىنشى وتىرىسىندا:

“ەلىمىزدىڭ دەرەكتى مۇرالارىن ساقتاۋ باعىتىنداعى جۇمىستى جانداندىرۋ قاجەت”، – دەپ ناقتى تاپسىرما بەرگەن بولاتىن.

«حاندار شەجىرەسى» — ۇزىندىعى 3 مەتردەن اساتىن، XVIII عاسىردا جازىلعان بۇكتەمە قاعاز تۇرىندەگى قۇجات. بۇل بىرەگەي ارتەفاكت قازاق حاندارىنىڭ بيلىك تاريحىن قامتي وتىرىپ، VI-XIX عاسىرلار ارالىعىنداعى تاريحي تۇلعالاردىڭ شەجىرەسىن، ولاردىڭ شىعۋ تەگىن جانە وزگە حالىقتارمەن بايلانىسىن ايقىنداۋعا مۇمكىندىك بەرەدى.

يۋنەسكو تاراپىنان بۇل شەجىرەنىڭ مويىندالۋى — قازاق حالقىنىڭ تاريحي جادى مەن مادەني مۇراسىنىڭ ماڭىزدىلىعىن حالىقارالىق دەڭگەيدە دالەلدەيدى.

ايتا كەتەيىك، بۇعان دەيىن قوجا احمەت ياساۋي مەن شاكىرتتەرىنىڭ قولجازبالارى، «نەۆادا-سەمەي» انتيادرولىق قوزعالىسىنا قاتىستى مۇراعات ماتەريالدارى، ارال تەڭىزىنىڭ ارحيۆتىك قورى دا يۋنەسكو-نىڭ «الەم جادى» تىزىمىنە ەنگىزىلگەن بولاتىن.

Реклама
  • ИП Попов А.П.
  • ИНН: 602715631406
Видео с выпускного "убило" всех родителей: кто это заснял?!
Реклама
  • ИП Попов А.П.
  • ИНН: 602715631406
Танец выпускников взорвал интернет: Смотреть до конца!
Реклама
  • ИП Попов А.П.
  • ИНН: 602715631406
Школьники потрясли всю сеть этим танцем — смотреть без детей!
پىكىرلەر