Eldiń rýhyn kóterip, jurttyń jigerin oıatatyn qundy jádigerler tabyldy, dep habarlaıdy «Adyrna» tilshisi «Habar 24»-ke silteme jasap.
Atap aıtsaq, ǵalymdar sheteldik muraǵatty aqtaryp, Qazaq handyǵynyń kóne kartasy men Buryndyq hannyń hattaryn elge ákeldi. Arab qariptermen jazylǵan bul jádigerler qazir Ulttyq muraǵat qorynda saqtalyp tur. Jyl basynan beri munda barlyǵy 7 myńnan asa tarıhı-baǵaly qujattar jetkizilgen. Tabylǵan jádigerlerdiń eń kónesi 973 jyly paıdalanylǵan. Qazir bul jumystarmen ǵalymdar men aýdarmashylar aınalasyp jatyr. Buryndyq hannyń hattaryn da mamandar maıshammen tekserýde. Tarıhshylardyń aıtýynsha, bul derekter tarıhymyzdy aıqyndap, táýelsizdikti tuǵyrly etedi. Olar jádigerlerdiń jumbaǵyn sheshken boıda, kópshilikke habarlaımyz dedi.
Tarıhy tereńde jatqan qujattardyń bir bóligi búgin «Arhıv – el tarıhynyń qazynasy» konferenııasynda kórsetildi. Sharada Ahmet Baıtursynovtyń 12 tomdyq shyǵarmalary jáne «Arhıv-2025» jobasy aıasynda shyǵarylǵan jınaqtardyń tusaýkeseri ótti.
«Sol qor arqyly biz bolashaqta ony ǵylymı aınalýǵa engizý, zertteý, jumystaryn bastaıtyn bolamyz. Ol birinshi kezekte ıfrlandyrylady. Sonymen birge arnaıy baza bolady. Sonda ǵalymdar ony qashyqtan oqyp, qashyqtan zertteý jumystaryn júrgize alady. Bizde jyl aıaǵyna deıin jalǵasady. Bizde qazir 25 memleketke baryp qaıtty. Onyń ishinde TMD elderi, jáne bizdiń negizgi qujattar Reseı, Eýropa arhıvterinde jatyr»,—dedi QR Mádenıet jáne sport mınıstrligi komıtet tóraǵasy Qýat Borash.
