تەلەجۇرگىزۋشى ار-نامىسى مەن بەدەلىن قورعاۋدى تالاپ ەتۋدە، دەپ حابارلايدى “ادىرنا” ۇلتتىق پورتالى.
“استارلى اقيقات” باعدارلاماسىنىڭ جۇرگىزۋشىسى اسحات سادىرباي بۇرىنعى جۇبايى ايعانىم قوراباەۆانى سوتقا بەردى.
تەلەجۇرگىزۋشىنىڭ ايتۋىنشا، بۇرىنعى ايەلى الەۋمەتتىك جەلىلەردە – Instagram, TikTok, YouTube جانە Facebook پلاتفورمالارىندا ونىڭ ار-نامىسى مەن بەدەلىنە نۇقسان كەلتىرەتىن جالعان اقپاراتتار جاريالاعان. سادىرباي بۇل مالىمەتتەردى شىندىققا جاناسپايدى جانە جەكە ومىرگە قولسۇعۋشىلىق دەپ باعالاپ وتىر.
تالاپ-ارىزدا اسحات سادىرباي جاريالانعان اقپاراتتاردى جالعان دەپ تانۋدى، كەشىرىم سۇراۋ جازباسىن اۋديو-بەينە فورماتىندا الەۋمەتتىك جەلىلەردە جاريالاۋدى، جازباشا كەشىرىم حاتىن جولداۋدى جانە 1 ميلليون 500 مىڭ تەڭگە كولەمىندە مورالدىق شىعىندى وتەۋدى، كەشىرىم جازباسىنىڭ كوشىرمەسىن “استارلى اقيقات” باعدارلاماسىنىڭ رەداكتسياسىنا جولداۋدى تالاپ ەتكەن.
ازاماتتىق ءىس 2025 جىلدىڭ 21 اقپانىندا قوزعالعان. قازىرگى تاڭدا الماتى قالاسىنىڭ ازاماتتىق ىستەر جونىندەگى سوتىندا قارالىپ جاتىر. ىسكە قاتىستى تاراپتار ازىرگە رەسمي تۇسىنىكتەمە بەرگەن جوق.
ايتا كەتەيىك، ايعانىم قوراباەۆا سوت پروتسەسىنىڭ اشىق وتكەنىن قالايدى. ونىڭ پىكىرىنشە، سوت وتىرىسىنا باق وكىلدەرى قاتىسۋى ءتيىس.