اباي وبلىسىنىڭ لوگوتيپى سىنعا ۇشىرادى

1258
Adyrna.kz Telegram

بەلگىلى اقىن مەرەي قارت اباي وبلىسىنىڭ لوگوتيپىن سىنعا الدى، دەپ حابارلايدى «ادىرنا» ءتىلشىسى.

ايتۋىنشا، ول اباي وبلىسى اكىمدىگىنىڭ ساراپتاما كوميسسياسىنىڭ رەسمي شەشىمىنە سايكەس بەكىتىلگەن.

«ءجا، بۇل ولكە ءبىلىمى جەتىلگەن، عىلىمى وزىق، ادەبيەتتىڭ، مادەنيەتتىڭ مەكەنى، الاشتىڭ قالاسى دەپ رۋحتانامىز! لوگوتيپ تالاپتارى وبىلستىڭ ءمانىن اشۋ دەپ ۇعاتىنمىن. ءبىر قاراساڭ، لوگوتيپ ەشتەڭە شەشپەيدى، تۇككە پايداسى جوق دەپ تە ويلايسىڭ. ەندى ءبىر قاراساڭ، باسقا وبلىستاردان كەمبىز بە دەگەن سۇراق تۋادى؟!

بايقاۋعا قاتىسقان لوگوتيپتەر قوعام نازارىنا ۇسىنىلدى ما ەكەن؟! قالاي تاڭدالدى؟!

بەكىتىلگەن لوگوتيپكە كاسىبي ماماندار، كوزى اشىق اعايىن نە دەيسىزدەر؟! ءبىز بىردەڭە تۇسىنبەيمىز بە، الدە سانامىزعا جەتپەي مە، ۇقپادىم؟!

اباي وبلىسىنىڭ قوعامدىق دامۋ باسقارماسىنىڭ باسشىسى ايدار سادىرباەۆ مىرزا، ءجون-جوسىعى قالاي ەكەنىن، لوگوتيپ قانداي ءمان-ماعىنا ۇستەيتىنىن، سيپاتتاماسىن، اۆتورىن، حالىققا تولىقتاي ايتىپ وتسەڭىزدەر دەگەن ءوتىنىش بار.

كوپشىلىك نازارىنا بايقاۋعا قاتىسقان باسقا دا جۇمىستار ۇسىنىلسا، حالىق بولىپ تاڭداۋ مۇمكىندىگى تۋسا، بالكىم كەرەمەت ءبىر جوبا وتپەي قالعان شىعار؟! كىم ءبىلسىن؟!

جاڭادان قۇرىلعان وبلىس بولعان سوڭ بارلىق الەۋمەتتىك، قوعامدىق جۇمىستاردىڭ بارلىعى سىن كوتەرۋ كەرەك، اباي وبلىسى دەگەن بيىك مارتەبەگە لايىق بولساق دەگەن نيەت بىزدىكى!»—دەپ جازدى ول.

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket