Abaı oblysynyń logotıpi synǵa ushyrady

2840
Adyrna.kz Telegram

Belgili aqyn Mereı Qart Abaı oblysynyń logotıpin synǵa aldy, dep habarlaıdy «Adyrna» tilshisi.

Aıtýynsha, ol Abaı oblysy ákimdiginiń saraptama komıssııasynyń resmı sheshimine sáıkes bekitilgen.

«Já, bul ólke bilimi jetilgen, ǵylymy ozyq, ádebıettiń, mádenıettiń mekeni, Alashtyń qalasy dep rýhtanamyz! Logotıp talaptary obylstyń mánin ashý dep uǵatynmyn. Bir qarasań, logotıp eshteńe sheshpeıdi, túkke paıdasy joq dep te oılaısyń. Endi bir qarasań, basqa oblystardan kembiz be degen suraq týady?!

Baıqaýǵa qatysqan logotıpter qoǵam nazaryna usynyldy ma eken?! Qalaı tańdaldy?!

Bekitilgen logotıpke kásibı mamandar, kózi ashyq aǵaıyn ne deısizder?! Biz birdeńe túsinbeımiz be, álde sanamyzǵa jetpeı me, uqpadym?!

Abaı oblysynyń qoǵamdyq damý basqarmasynyń basshysy Aıdar Sadyrbaev myrza, jón-josyǵy qalaı ekenin, logotıp qandaı mán-maǵyna ústeıtinin, sıpattamasyn, avtoryn, halyqqa tolyqtaı aıtyp ótseńizder degen ótinish bar.

Kópshilik nazaryna baıqaýǵa qatysqan basqa da jumystar usynylsa, halyq bolyp tańdaý múmkindigi týsa, bálkim keremet bir joba ótpeı qalǵan shyǵar?! Kim bilsin?!

Jańadan qurylǵan oblys bolǵan soń barlyq áleýmettik, qoǵamdyq jumystardyń barlyǵy syn kóterý kerek, Abaı oblysy degen bıik mártebege laıyq bolsaq degen nıet bizdiki!»—dep jazdy ol.

Pikirler