“108 ايەل”: ۋكراينا مەن رەسەي اراسىندا تاعى دا تۇتقىن الماسۋى بولدى

2206
Adyrna.kz Telegram

ۋكراينا مەن رەسەي اراسىندا تاعى دا تۇتقىن الماسۋى بولدى. سونىڭ ناتيجەسىندە 108 ۋكراينالىق ايەل ۇيلەرىنە ورالدى. بۇل تۋرالى BBC News جاريالادى، دەپ حابارلايدى ”ادىرنا” ۇلتتىق پورتالى.

مالىمەت بويىنشا، تۇتقىننان بوساتىلعانداردىڭ اراسىندا رەسەيدىڭ دونەتسك، لۋگانسك، زاپوروجە مەن حەرسون وبلىستارىنا كەڭ اۋقىمدى شابۋىلى باستالعانعا دەيىن تۇتقىنعا الىنعان قىز-كەلىنشەكتەر بار.

بوساتىلعان تۇتقىنداردىڭ ەڭ ۇلكەنى – 62 جاستا، ەڭ كىشىسى –  21 جاستا.

“بۇگىن كەزەكتى رەت تۇتقىن الماسۋعا مۇمكىندىك تۋدى. بۇل ەندى، ءبىز ءۇشىن وتە قيىن بولدى. ءبىز العاش رەت 108 ايەلدى تۇتقىننان بوساتتىق”، –  دەدى ۋكراينا پرەزيدەنتى كەڭسەسىنىڭ باسشىسى اندرەي ەرماك.

ونىڭ ايتۋىنشا، «ازوۆستالدە» بولعان 37 ادام، 11 وفيتسەر، 85 قاتارداعى جاۋىنگەر مەن سەرجانت، قارۋلى كۇشتەردىڭ 35 ساربازى، 32 اسكەر-تەڭىز كۇشتىڭ جاۋىنگەرى، 12 اۋماقتىق قورعانىستىڭ وكىلى، ۇلتتىق ۇلاننىڭ 8 ادامى، 13 مەملەكەتتىك قىزمەتكەر، شەكارا قىزمەتىنىڭ 4 وكىلى مەن 12 قاتارداعى ازامات تۇتقىننان بولعاندارمەن بىرگە ۇيلەرىنە ورالدى. كەيبىر ادامدار 2019 جىلدان بەرى رەسەيدىڭ تۇتقىنىندا بولعان.

 

پىكىرلەر